राप्तीसोनारी (बाँके) मंसिर १८ गते । स्थानीय सरकारले लैंगिक हिंसा विरुद्ध अभियान सन्चालन गर्नु पर्नेमा सरोकारवाला निकायले जोड दिएका छन् । २८ औ लैगिङ्क हिंसा विरुद्धको १६ दिने अभियान अन्र्तगत राप्तीसोनारी गाउँपालिकामा आज बृहत सचेतनामुलक कार्यक्रम गरि मनाईएको छ । समानताको पुस्ता बलात्कार विरुद्ध एक्यबद्धता भन्ने मूल नाराका साथ राप्ती सोनारी गाउँपालिकाको वडा नं.५ विनौनामा आज बृहत र्याली संगै विशेष कार्यक्रम गरिएको छ ।
सामाजिक सचेतन सरोकार मन्च स्याक नेपाल, प्लान ईन्टरनेशनल नेपाल, अक्सफाम नेपाल र आईएनएफको सहकार्यमा राप्तीसोनारी गाउँपालिका वडा नं.५को आयोजना गरेको बृहत रयाली साथै कोण सभामा सम्बोधन गर्नु हुने सरोकारवाला निकायले स्थानीय सरकारले पनि लैंगिक हिंसा विरुद्ध अभियान सन्चालन गर्नु पर्नेमा जोड दिएका थिए ।
सो रयालीमा महिला, बालबालिका, किशोरी, अभिभावक, विद्यार्थी, सामाजसेबी लगायत सहभागि छुट्टाछुट्टै समुहमा निस्किएको रयालीले विभिन्न गाउँको परिक्रमा गरि वडा कार्यालय परिसरमा पुगेर विशेष कार्यक्रममा परिणत भएको थियो ।
सो कार्यक्रममा बोल्नु हुदै वडा नंं ५ का वडा अध्यक्ष झगरु थारुले मानिस चेतनशिल प्राणी भएकोले लैङ्गिक हिसा न्युनीकरण गर्न सक्ने बताउनुभयो साथै उहाँले सबै सामाजिक सघसंस्थासँग समन्वय र सहकार्य गरि अघि बढ्ने बताउनुभयो । त्यसै गरि विशिक्ष्ट अतिथि इलाका प्रहरी कार्यालय धामपुरका कमल थापाले सामाजिक प्ररम्परागत हानिकारक सोचले गर्दा लैङ्गिक हिंसा पुरुषको तुलनामा महिलाले महिलालाई बढि हिंसा भईरहेको बताए । साथै उहाँले अहिले बढी बलात्कार र भूण हत्या जस्ता हिंसा बढेको बताए ।
सोही अवसरमा महिला हिंसा विरुद्धको सचेतनामुलक, थारु नाच, पहाडी नाच सामुदायिक छलफल केन्द्र, आमा समुहको सामुहिक नाटक, गित तथा नृत्य समेत प्रस्तुत गरिएको थियो । राप्ती सोनारी गाउँ पालिका वडा नं.५ को महिला सदस्य धनसरा वलीको अध्यक्षतामा सम्पन्न भएको स्याक नेपालका परियोजना संयोजक राम कुमारी चौधरीले बताउनुभयो । कार्यक्रम संचालन स्याक नेपालका सामाजिक परिचालक कमला विक गरेकी थिईन् । बाँकेको डुडुवा गाउँपालिकामा पनि सचेतनामुलक कार्यक्रम गरि २८ औ लैगिक हिंसा विरुद्धको १६ दिने अभियान मनाईएको थियो ।
Discussion about this post