फाइल फोटो
बाँके पुस २० गते ।
अर्थमन्त्री युवराज खतिवडा र उहाँको टिमले पश्चिम नेपालका मुख्य भन्सार नाका र आन्तरिक राजश्व कार्यालयको निरीक्षण गर्नुभएको छ ।
पश्चिम नेपालका बाँके, बर्दिया र कैलालीका मुख्य मुख्य भन्सार नाका र कर कार्यालयको निरीक्षण गर्दे अर्थमन्त्री खतिवडाले राजश्व चुहावट रोक्न प्रभावकारी कदम चाल्न मातहतका कर्मचारीलाई निर्देशन दिनुभएको छ ।
राजश्व चुहावट हुनबाट कदापी र कुनैपनि हालतमा कमि नआउन दिन उहाँले निर्देशन गर्नु भएको हो ।
अर्थमन्त्रीका साथमा भञ्सार र आन्तरिक राजश्व बिभागका महानिर्देशक सहित उच्च अधिकारीहरु थिए ।
राजश्व चुहावट रोक्न कुनै कसर बाँकी नछाड्न निर्देशन दिदै अर्थमन्त्री खतिवडाले भञ्सार र राजश्वको भौतिक पूर्वाधारका विषयमा पनि गम्भीरतापूर्वक चासो लिएका छन् । अर्थमन्त्रीले सुरक्षाकर्मीलाई पनि राजश्व चुहावट रोक्न प्रभावकारी काम गर्न निर्देशन दिनुभएको थियो ।
नेपालगञ्ज भञ्सार कार्यालयका प्रमुख शान्तीराम निरौलाले अर्थमन्त्री खतिवडाले राजश्व चुहावट लगायत नियमित कामलाई प्रभावकारी बनाउन निर्देशन दिनुभएको छ । यस्तै राँझा विमानस्थलमा नेपालगञ्ज उद्योग वाणिज्य संघका अध्यक्ष नन्दलाल बैश्यले अर्थमन्त्री खतिवडासंग भेटघाट गर्नुभएको छ ।
Discussion about this post