खोजखबर संवाददाता
बाँके असार २५ गते । नेपालगन्ज उपमहानगरपालिकाले
पुरैनाको बिर्ता भन्ने स्थानमा गाई लगायतका पशुहरुको लागि व्यवस्थापन गर्न बनाएको कांजी हाउसमा हेरचार नहुँदा गाईहरु मर्ने अवस्थामा पुगेका छन् ।
नेपालगन्ज उपमहानगरपालिकाले गाईलगायतको पशुहरुलाई उचिव व्यवस्थापनको लागि निर्माण गरिएको उक्त कांजी हाउसमा १ सय ७० वटा गाई छन् भने ४ थान घोडाखच्चड राखिएका छन् । १ सय ७० गाईहरुमध्ये तीन वटा गाई मरीसकेको अवस्थामा छन् भने एउटा गाई मर्ने अवस्थामा हुनुको लागि कांजी हाउसमा रहेका अन्य गाईहरुको अवस्था दयनीय रहेको देखिएको छ ।
कांजी हाउसको लागि राम्रो व्यवस्थापन गर्नको लागि नेपालगन्ज उपमहानगरपालिकाले माघको दोस्रो हप्ताबाट दुई जना कर्मचारी खटाएको भएपनि प्रयाप्त मात्रामा खाना नदिएको कारण गाई मर्ने अवस्थामा रहेको स्थानियले बताएका छन् ।
त्यहाँका स्थानिय भन्छन्–‘नेपालगन्ज उपमहानगरपालिकालले गाईको लागि बनाइएको कांजी हाउस नभई गौ हत्या हाउसमा परिणत भइरहेको छ । प्रयाप्त मात्रामा खाना दिइएको देखिएको छैन । गाई लगायतका पशुहरुको लागि दिइने खाना नखुवाई आफै राख्ने गरेका कारण प्रयाप्त मात्रामा गाईहरुले खान पाएका छैनन् ।’
नेपालगन्ज उपमहानगरपालिकाले नगरको सडकमा छाडा रुपमा छाडिएको गाई लगायतका पशुहरुलाई नियन्त्रणमा लिई कांजी हाउसमा राख्ने व्यवस्था मिलाएको थियो । तर नेपालगन्ज उपमहानगरपालिकालले कुनै चासो नलिंदा कांजी हाउस अहिले गौ हत्या हाउसमा परिणत भइरहेको स्थानियहरुको भनाई रहेको छ ।
कांजी हाउसमा राखिएको गाई मरेको अवस्थामा हुँदाहुँदै पनि कुहिएर दुर्गन्धसम्म फैलिएको छ भने मरेको गाईको विषयमा त्यहाँ रहेका नेपालगन्ज उपमहानगरपालिकाका कर्मचारीहरुले कुनै वास्ता भने गरेको देखिएको छैन ।
कुहिन लागेको अवस्थामा मरेका अनि दुर्गन्धित गाईको
कारणबाट फैलिन सक्ने रोगबाट अन्य गाईहरुसमेत प्रभावित हुने भएकाले अन्य गाईहरु पनि धमाधम मर्न सक्ने स्थानियले बताएका छन् ।
राष्ट्रिय प्रजातन्त्र पार्टीको चुनाव चिन्ह गाई र राप्रपाका केन्द्रिय महामन्त्री तथा नेपालगन्ज उपमहानगरपालिकाका मेयर डा. धवल सम्शेर राणाले गाईको व्यवस्थापनमा ध्यान दिनु पर्ने अवस्थामा अहिलेसम्म गाई व्यवस्थापनको लागि निर्माण गरिएको कांजी हाउस एक पटक पनि
निरिक्षण गर्न नआएको समेत स्थानियले बताए ।
Discussion about this post