खोजखबर संवाददाता
पाल्पा असार २५ गते । ५ नम्बर प्रदेश स्तरिय ११ औं राष्ट्रपती रनिङ शिल्ड प्रतियोगिता पाल्पामा आजबाट शुरु भएको छ ।
मध्यपश्चिम क्षेत्रीय खेलकुद बिकास समिती, प्रदेश नम्बर ५ को आयोजनामा बुधबारबाट सो प्रतियोगिता शुरु भएको हो ।
खेलकुदका क्षेत्रीय अध्यक्ष भिम ओलीको सभापतित्वमा भएको कार्यक्रममा पुर्बमन्त्री एवँ संघिय सांसद सोमप्रसाद पाण्डेले प्रशिक्षकद्वय पदमा चौधरी र भिम बहादुर डांगीलाई खेल सामाग्री हस्तान्तरण गर्दै प्रतियोगिता शुरु भएको घोषणा गरेको छन ।
पुर्बमन्त्री पाण्डेले स्वस्थ नागरिक निर्माण गर्न खेलकुदको महत्वपुर्ण भुमिका रहने बताए । राष्ट्रलाई अन्तर्राष्ट्रियस्तर चिनाउने प्रमुख माध्यम खेलकुद नै भएको उल्लेख गर्दै पुर्बमन्त्री पाण्डेले खेलक्षेत्रको समग्र बिकासका लागि आफुले पहल गर्ने प्रतिबद्धता समेत जनाए ।
प्रतियोगितामा कराते, भलिबल, एथ्लेटिक्स, उसु, कपर्दी, तेक्वान्दो गरि ६ वटा खेल समावेश रहेका छन । यस प्रतियोगिताबाट छनौट भएका खेलाडीहरुले आगामी २९ गतेदेखी काठमाडौँमा आयोजना हुने केन्द्रिय राष्ट्रपती रनिङ शिल्ड प्रतियोगितामा सहभागीता जनाउने मध्यपश्चिम क्षेत्रीय खेलकुद बिकास समितीका उपाध्यक्ष नरेन्द्र थापाले जानकारी दिनुभयो। करिब ११ सय खेलाडीहरुको सहभागिता रहेको प्रतियोगिता शुक्रबारसम्म चल्ने भएको छ । जिल्ला खेलकुद बिकास समिती पाल्पाका अध्यक्ष करुणा काफ्लेले स्वागत गरेको कार्यक्रमको संचालन क्षेत्रीय सदस्य चन्द्रमणी गैरे ले गरेका थिए ।
Discussion about this post