अजय पाठक
बाँके पुस २६ गते । होलिका बचत तथा ऋण सहकारी संस्था लिमिटेड नेपालगन्ज बाँकेले संस्थाको १९ औं वार्षिक साधारण सभा सम्पन्न गरेको छ ।
कार्यक्रमको प्रमुख अतिथी नेपालगन्ज उपमहानगरपालिकाकि उपमेयर उमा थापा मगरले पानसमा बत्ती बाली उद्घाटन गर्नुभएको छ। उहाँले बढी भन्दा बढी व्याक्ति(सदस्य) र लगानी कर्ताहरु होलिका सहकारी संग जोडीएको र भर पर्दै आएको बताउनुभयो ।
केही लापरबाही सहकारीहरुको कारणले अहिलेको सहकारी प्रती हेर्ने जनता को नजरियामा परिवर्तन भएको छ । उहाँले यस संस्था र सम्पुर्ण दिगो बिकासको लागि आउने दिनहरुमा नगरले सहकारीको हितमा नयाँ कार्यक्रम ल्याउन सकिने जानकारी दिनुभयो ।
‘दिगो विकास लक्ष्य प्राप्तिका लागि सहकारी’भन्ने मुल नाराका साथ भएको साधारणसभामा आ.व. २०७५/०७६ मा संस्थाले आम्दानी १ करोड ३२ लाख ५३ हजार ८ सय १४ रुपैया र यथार्थ खर्च १ करोड १० लाख २५ हजार ७ सय २२ रुपैया मात्र, खुद नाफा २० लाख ५ हजार २ सय ८२ रुपैया भएका होलिका बचत तथा ऋण सहकारी संस्था लिमिटेडले साधारण सभाका सभा अध्यक्षता ग्रहण गरेका गजेन्द्र कुमार खड्काले बताउनुभयो ।
आज भन्दा १९ वर्ष अगाडि फागु पूर्णिमा होलिमा रङ खेलेर बचत भएको पैसाबाट उक्त सहकारी सुरु गरिएको हुदा सहकारीको नाम पनि होलिका बचत तथा ऋण सहकारी राखेको अध्यक्ष खड्काले बताउनु भयो ।
२०७६को आर्थिक वर्षमा सहकारीले खुद नाफा बीस लाख पाँच हजार दुई सय बयासी रुपैयाँ अन्ठाउन्न पैसा गरेको सहकारीको उपाध्यक्ष सिता देवी काफ्लेले जानकारी दिनुभयो ।
साधारण सभामा जेष्ठ नागरिक खिमा कुमारी खत्री, इन्द्र बहादुर थापा, बचतकर्ताको सन्तान मध्येबाट २०७५को एस.ई.ई मा उत्कृष्ट नम्वर ल्याउने विद्यार्थी विजया शर्मा, असल बचत कर्ता, आदर्श टोल समूह, महिला समूह तथा असल ऋणी कमलेश कुमार मिश्र लगायतलाई सम्मान तथा प्रमाणपत्र वितरण गरिएको हो ।
सभाको प्रमुख अतिथि नेपालगन्ज उप–महानगरपालिकाकि उपमेयर उमा थापा मगर, बिशिष्ट अतिथि राष्ट्रिय सहकारी बैंक सञ्चालक समिति सदस्य विजया धिताल अतिथि नेपाल बचत तथा ऋण केन्द्रिय सहकारी संघ(नेपस्कून), बाँके याम बहादुर डाँगी, बचत तथा ऋण जिल्ला सहकारी संघ लि.का सचिव प्रेम शाह लगायतको उपस्तिथि रहेको थियो ।
Discussion about this post