जनकपुर पुस २९ गते । जनकपुरमा कलेज बसले ठक्कर दिँदा दुईजनाको मृत्यु भएको छ ।
जनकपुरधामस्थित मोडेल मल्टिपल कलेजको बसले माेटरसाइकलमा ठक्कर दिँदा दुईजना युवाको घटनास्थलमै मृत्यु भएको हो ।
धनुषाको ढल्केबरबाट जनकपुरतर्फ आईहेको ज१क २८३ नम्बरको बसले विपरीत दिशाबाट आउँदै गरेको ज१०प ३५३५ नम्बरको मोटरसाइकललाई मंगलबार दिउँसो लक्ष्मिनिया गाउँपालिकामा ठक्कर दिँदा दुबैजनाको मृत्यु भएको प्रहरीले जनाएको छ ।
मृत्यु हुनेमा लक्ष्मीनिया गाउँपालिका वडा नम्बर ७ पर्सापकडियाका २५ वर्षीय सन्तोष ठाकुर र क्षिरेश्वर नगरपालिकाका २५ वर्षीय अनवर राईन रहेका छन्।
बस चालकको लापरवाहीका कारण उनीहरुको मृत्यु भएको भन्दै स्थानीयले अहिले सडकमा टायर बालेर विरोध प्रदर्शन गर्दै चक्काजाम गरेका छन् । घटनास्थलको अवस्था तनावग्रस्त छ भने स्थानीयले बसमा आगजनी गरेका छन् ।
ADVERTISEMENT
Discussion about this post