सन्ध्या शर्मा बाँके पुस २९ गते ।
नेपालगन्जमा मंगलवार माघी विषेश सांस्कृतिक नृत्य प्रतियोगिता भएको छ ।
नाइस नेपालगन्जको मुख्य आयोजना र सन लाइफ इन्स्योरेन्स, बास नेपालगन्ज, मानव अधिकार आयोग, र अन्य संस्थाहरुको सहकार्यमा सांस्कृतिक नृत्य प्रतियोगिता सन्चालन गरिएको हो ।
सांस्कृतिक नृत्य प्रतियोगितामा सरिता फुयाल प्रथम पुरस्कार नगद रु ५०००, प्रमाणपत्र र ट्रफि हासिल गरेकी छन । दोस्रो पुरस्कार स्वास्तिका गुरुङले रु ३०००,प्रमाणपत्र र ट्रफि हात पारेकी छन, भने तेस्रो पुरस्कार एलिजा चौधरी ले रु १५००,प्रमाणपत्र, ट्रफिले सम्मानित भएकी छन ।
प्रमुख अतिथी चलचित्र निर्माता मिस नेपाल कल्पना आचार्य र नायक तथा मोडेल दिपक ढकालले सम्पुर्ण प्रतियोगी प्रतिस्पर्धाहरुलाई प्रतियोगितामा राम्रो प्रदर्शन र हौसला बढाउदै भोलि नेपालीहरुको महान चाड माघीसङ्क्रान्तिको शुभकामना मन्तव्य समेत दिनुभयो ।
सन्तोष सोती मगर, नवराज सुवेदी, दिपक ढकाल, सुचिता राना लगायतको निर्णायक मण्डलमा रहेका थिए । नेपाल भ्रमण २०२० को सन्दर्भ पारेर नेपालगन्जमा आयोजित सांस्कृतिक नृत्य प्रतियोगितामा २३ जना प्रतियोगिहरुको सहभागी रहेको थियो ।
Discussion about this post