बाँके माघ ७ गते । बाँकेमा यही माघ ११ गते हुने नेपालगन्ज उद्योग बाणिज्य संघको निर्वाचनका लागि अहिले नेपालगंजको चुनावी सरगमी बढेको छ । अहिले ब्यापारीहरुलाई आफ्नो ब्यापार भन्दा पनि चुनावी सरगर्मीले छोएको छ । उनिहरु घरदैलोमा व्यस्त देखिन्छन् । हरेक दिन नगरका टोल टोलमा उनिहरु चुनावका लागि दौडधुप गर्दै आएका छन् । हामीले यसै चुनावलाई मध्यनजर गर्दै अध्यक्ष पदका प्रत्यासी साझा प्रजातान्त्रिक उद्योगी व्यवसायी समूहका तर्फबाट अध्यक्ष पदका उम्मेद्वार ललितकुमार रौनियारले नेपालगन्ज उद्योग बाणिज्य संघ एउटा निजि संस्था भएको हुनाले उद्योगी व्यवसायीहरुको समस्यालाई सदैव आत्मसातका साथ पहल गर्ने दावी गर्नुभएको छ । नेपालगन्ज उद्योग बाणिज्य संघ भन्दा पनि उद्योग ब्यवसायीहरुको समस्यालाई बढि जोड दिने उहाँले दावी गर्नुभएको छ ।
सबै व्यवसायीहरुलाई कसरी एक जुट गरि नेपालगन्जमा रहेका आर्थीक बिकासको कुरामा जोड दिने, राजस्वको समस्या, भन्सारको समस्या, सुख्खा वन्दरगाहको समस्या, नेपालगन्ज एयरपोर्ट बिस्तार गर्ने जस्ता समस्यालाई हटाउने कुरालाई बढि प्रथामिकता दिने कुरामा उहाँले जोड दिनुभयो । बाणीज्य कार्यालयबाट व्यवसायीहरुलाई रिनुको समस्याबाट ब्यवसायीहरुलाई उन्मुक्ति गराउने जस्ता कुरालाई प्रथामिकता राख्ने कुरामा जोड दिने अध्यक्षका उम्मेद्वार रौनियारले भन्नुभयो । पहिलेका कार्य समितिले ब्यवसायीहरुको हितका निम्ति काम नगरेकै कारण उद्योग बाणिज्य प्रति आस्था र बिश्वास घट्दै गएको अबस्थामा बिश्वासिलो अनि भरोसाको केन्द्रबिन्दु बनाउने अठोट राखेको कुरामा जोड दिने उहाँले बताउनुभयो । नेपालगन्ज आसपासका व्यवसायीहरुलाई एकजुट बनाएर उनिहरुको हक अधिकारका लागि संघको छातामुनि ल्याएर बिकासको लागि पहल गर्ने रौनियारले बताउनुभयो । व्यवसायीहरुको हक अधिकारका लागि पहल गर्दा गर्दै पनि भएन भने आन्दोलन गरेर भए पनि व्यवसायीहरुको निम्ती अधिकार दिलाएर छोडने उहाँले बताउनुभयो ।
Discussion about this post