बाँके माघ २१ गते । बाँकेको नरैनापुर गाउँपालिकामा दोश्रो नरैनापुर दौड प्रतियोगिता २०७६ मंगलवार सम्पन्न भएको छ ।
विकासका लागि सवै जुटौ, सामाजिक सदभाव कायम गरौं भन्ने मुल नाराका साथ सुरु भएको दोश्रो नरैनापुर खुल्ला दौड प्रतियोगिता २०७६ को आयोजना सुचना र मानव अधिकार अनुसन्धान केन्द्र बाँकेको आयोजना तथा नरैनापुर गाउँपालिकाको आर्थिक सहयोगमा दोश्रो नरैनापुर दौड प्रतियोगिता भएको हो ।
प्रतियोगितामा महिला पुरुष गरि सय बढिको सहभागिता रहेको थियो । प्रतियोगितामा प्रथम, द्धितिय र तृतियलाई नगद पुरस्कार राखिएको थियो । प्रथमलाई ११ हजार, द्धितियलाई ७ हजार र तृतियलाई ५ हजार नगद पुरस्कार प्रदान गरिने आयोजकले जनाएको छ । शुसासन विकास र सामाजिक सदभावका लागि दौड प्रतियोगिताको उद्घाटन नरैनापुर गाउँपालिकाका प्रमुख इस्तियाक अहमद शाहले गर्नुभएको थियो । कार्यक्रममा गाउँपालिका अध्यक्ष शाहले बघौडाको समग्र विकासका लागि खेलेको माध्यमले भातृत्व विकास र शान्तिको सन्देश प्रवाह गर्न सकिने भएकाले दौड प्रतियोगिता गरिएको बताउनुभयो ।
Discussion about this post