बाँके माघ २५ गते । नेपालगञ्ज उपमहानगरपालिकामा हात्तीपाईले रोग विरुद्धको औषधी सेवन अभियान जारी रहेको छ । नेपालगञ्जमा एक लाख ७३ हजार जनसङ्ख्या मध्ये एक लाख ४५ हजारलाई औषधी खुवाउने लक्ष्य राखिएको नेपालगञ्ज उपमहानगरपालिकाले जनाएको छ । नगरभित्र ९४ वटा बुथमा ११४ जना स्वास्थयकर्मी र २०१ ज्ना महिला स्वास्थ्य स्वयमसेविका परिचालन गरिएको उपमहानगरपालिकाका स्वास्थ्य शाखा प्रमुख डिल्ली पोखरेलले जानकारी दिनुभयो ।
बाँकेमा फागुन ५ गतेसम्म अभियान संचालन हुनेछ । अहिले विभिन्न वुथहरुमा स्वास्थ्यकर्मी र स्वंयसेवीकाले प्रत्यक्ष हात्तिपाइले रोग विरुद्धको औषधी सेवन गराइरहनु भएको छ । नगर उपप्रमुख उमा थापा मगर नेतृत्वको टोलीले नगरका विभिन्न बुथमा पुगेर अभियानको अनूगमन गर्दै सबैलाई औषधी सेवनका लागि आग्रह समेत गर्नु भएको छ । यस अघि विहान नेपालगञ्ज उपमहानगरपालिकाका कार्यालयमा नगर प्रमुख डा. धवलशम्शेर राणा, उपप्रमुख मगर, प्रमुख प्रशसकीय अधिकृत हरि प्याकुरेल, वडा अध्यक्ष सुनिलसिंह हमाल, बुद्धिसागर सुवेदी लगायतले औषधी सेवन गरेर अभियानको सुभारम्भ गर्नुभएको हो । औषधी सेवन गरेपछि नगर प्रमुख राणा र उपप्रमुख मगरले निर्धक्क भएर औषधी सेवन गर्न नगरबासीसँग आग्रह गर्नुभयो ।
Discussion about this post