सवारी दुर्घटना हुँदा दुई जना गम्भीर घाइते

बाँके माघ २५ गते । बाँकेको कोहलपुरमा बसले मोटरसाइकललाई ठक्कर दिँदा दुई जना गम्भिर घाइते भएका छन् ।
शनिबार दिउसो पुर्वबाट पश्चिम गइरहेको बसले विपरीत दिशाबाट आइरहेको मोटरसाइकललाई बसपार्क नजिक ठक्कर दिँदा उक्त दुर्घटना भएको हो ।

ना ४ ख ८०७४ नम्बरको बसले भे ६ प ९७३४ को मोटरसाइकललाई ठक्कर दिएको जिल्ला ट्राफिक कार्यालय बाँकेले जनाएको छ । ठक्करबाट मोटरसाइकलमा सवार राप्तीसोनारी गाउँपालिका ९ बस्ने कुन्दन कामी र रुपा कुमारी कामी गम्भिर घाइते भएका छन् । उनीहरु दुवै जनाको कोहलपुर मेडिकल कलेजमा उपचार भइरहेको छ । ठक्कर दिने बस र चालकलाई इलाका प्रहरी कार्यालय कोहलपुरले नियन्त्रणमा लिएको छ ।

ADVERTISEMENT