रजनी योगी
बाँके असार २८ गते । लगातारको वर्षातपछि बाँके राप्ती नदी आसपासका बासिन्दा त्रसित भएका छन् । उत्तर–पूर्वतर्फ कालो बादल लाग्ने बित्तीकै राप्ती नदीमा बाढी आएर घरखेत लैजाने चिन्ताले सताउने गरेको राप्तीसोनारी गाउँपालिकाका राप्ती नदी आसपासका बासिन्दाहरु बताउँछन् ।
अघिल्लो वर्षजस्तै यसवर्षको वर्षात सुरु हुनासाथ त्रसित भएको उनीहरु बताउँछन् । लगातारको बर्षात्ले राप्ती नदीमा बाढी आउन सक्ने सम्भावना बढेकाले रातमा निदाउन पनि नसक्ने गुनासो गर्छन् । यस वर्ष जनताको तट्बन्धले पक्की बाँध निर्माण गरेको छ । यसले केही राहत मिल्ने आशा गरेपनि त्रास हटेको छैन ।
राप्ती सोनारी ७ अन्तर्गतका खल्ला झगडीया, बसन्तापुर, भवानीयापुर, पहाडीपुर देउपुरा, पिप्रहवा लगायतका ठाउँहरु बर्सेनी डुबानमा पर्दै आएका छन् । सरकारले बाढीबाट जोगाउन पक्की तटबन्ध निर्माण गरेपछि केही राह मिले पनि बाढी आउने सम्भावना नहटेको खल्ला झगडीयाका रामवरण बर्माले बताउनुभयो ।
अगुल्टाले हानेको कुकुर बिजुली चम्केपछि त्रसिन्छ भनेझैं हामी पनि डराउँछौं उहांले भन्नुभयो । जिल्ला आपतकालिन कार्य संचालन केन्द्रले उद्धार तथा सुरक्षीत बासस्थानका लागि तयारी पुरा भएको जनाएकोे छ केन्द्रका अध्यक्ष समेत रहनुभएका प्रमुख जिल्ला अधिकारी मदन भुजेलले उद्धार तथा उद्धारपछि राख्ने सुरक्षीत ठाउँको व्यवस्था मिलाएको बताउनुभयो । उहांले उद्धारकर्ताका लागि लाइफ ज्याकेट, स्ट्रेचर, रबरको डुंगा, काठको डुंगा, ट्युव, डोरी त्रिपाल लगायतका सामाग्री तयारी अबस्थामा राखिएको बताउनुभयो । उहांले सुरक्षीत ठाउँको व्यवस्था संगै बाढीबाट प्रभावितका लागि आने कुरको पनि पूर्वतयारी गरिएको बताउनुभयो ।
बाँकेका आठवटै स्थानीय तहलाई मध्यनजर गरि उद्धार सामाग्रीको व्यवस्था गरिएको छ । प्रमख जिल्ला अधिकारी भुजेलका अनुसार ४ सय ८८थान लाइफ ज्याकेट, ५३ थान स्ट्रेचर, ९था रबर बोट, ४ सय ३३ थान बेल्चा र गइँटी तथा ६ थान काठको डुंगा तयारी अवस्थमा राखिएको छ । त्यसैगरि रबरको ट्युव ४८ थान, २ सय ६२ थान सेफ्टी हेलमेट, ५ थान साइरन, ६५ थान मेगा फोन, रबर बुट ३० थान र १० थान रेनकोटको व्यवस्था गरिएको छ ।
उद्धारका लागि आवश्यक पर्ने सम्पूर्ण सामाग्री तयारी अवस्थामा राखिएको छ, उहांले भन्नुभयो, सुचना पाएको २०–३० मिनेटमा उद्धार सामाग्रीसहित उद्धारकर्ता घटनास्थलमा पुग्ने गरि तयारी गरिएको छ, उहांले भन्नुभयो ।
बाँके जिल्लाका मुख्य नदीहरु
राप्ति, डुडुवा, मान खोला, किरण नाला,
अन्य नदीहरु
सुखरा, मुगुवा, गावर, परुवा, रोहिणी, झिञ्जरी, गडुवा, खैरी,
गोठरी, र जेठी नाला, आदी ।
बाँके जिल्लामा हरेक वर्ष हुनेगरेका विपद्हरु
बाढी, तथा डुवान, आगलागि, शितलहर, तथा लू, महामारी,
बाँके जिल्ला विपद् व्यवस्थापन समितीका अनुसार २०७६ मा बाढी विपद्बाट हुनसक्ने क्षतीको अनुमानित अवस्था
प्रभावित हुन सक्ने घरसंख्या २५ हजार
प्रभावित हुन सक्ने जनसंख्या १ लाख ५० हजार
पूर्ण रुपमा प्रभावित हुनसक्ने घरसंख्या ५ हजार
Discussion about this post