नवलपुर फागुन २ गते । अख्तियार दुरुपयोग अनुसन्धान आयोग बुटवलको टोलीले डिभिजन वन कार्यालय नवलपरासी बर्दघाट सुस्ता पूर्वका सहायक वन अधिकृत (निमिक्त कार्यालय प्रमुख) कृष्णबहादुर देवकोटालाई २ लाख रुपैयाँ घुस सहित नियन्त्रणमा लिएको छ ।
विहीबार अख्तियारको टोलीले देवकोटा सहित कार्यालय सहयोगी (करार) प्रमोद कुमार तेलीलाई पनि कावासोती ८ मा रहेको डिभिजन वन कार्यालयबाटै घुस रकम सहित रंगेहात पक्राउ गरेको अख्तियार दुरुपयोग अनुसन्धान आयोग बुटवलले जनाएको छ ।
नवलपुरमा वैज्ञानिक वनको नाममा कटानी भएका काठहरुको टेण्डरमा उपभोक्ता समूहले घुस दिनु परेको गुनासोको आधारमा अख्तियारको टोलीले दुई जनालाई नियन्त्रणमा लिएको हो ।
पछिल्लो समय नवलपुरमा काठको व्यापक रुपमा टेण्डर हुने गरेको छ भने त्यस वापत सामुदायिक वन र ठेकेदार दुवैसँग वन कर्मचारीले घुस लिने गरेको बताइएको छ ।
पक्राउ परेका दुवै माथि अनुसन्धान थालिएको अख्तियारले जनाएको छ ।
Discussion about this post