राजविराज फाल्गुन १ गते । सप्तरीको बोदेवरसाइन नगरपालिका–५ जाजरमा हुने भनिएको मुस्लिम समुदायको धार्मिक सम्मेलन गर्नलाई गृह मन्त्रालयले रोक लगाएको केही घण्टा वित्ना नपाउँदै मुस्लिम आयोगका अध्यक्ष समिम मियाँ अन्सारीले प्रधानमन्त्री संग भेटगरी प्रतिबन्ध तत्काल हटाउन अडान लिए पछि सम्मेलनमा लगाइएको प्रतिबन्ध हटाउन र शान्तीपूर्ण तरिकाले सम्मेलन सम्पन्न गराउन प्रधानमन्त्रीले गृह मन्त्रीलाई निर्देशन दिनुभएको छ ।
गृहले अनुमति प्रदान गर्दा दिएको सर्त बमोजिम नै सम्मेलन सम्पन्न हुने र सम्मेलनको सम्पूर्ण जिम्मेवारी आयोग लिन तयार रहेकोले सम्मेलनमा कुनै प्रकारको प्रतिबन्ध नलगाउन सरकार संग अपिल गरेको आयोगका अध्यक्ष अन्सारी ले बताउनुभयोको छ ।
सम्मेलनमा भागलिन मुस्लिमहरु सम्मेलन स्थलमा पुग्ने क्रम जारी रहेकोेले कुनै प्रकारको अवरोध सृजना नगर्न गृह संग अपिल गर्नु भयो । प्रधान मन्त्री केपी शर्मा ओली, गृह मन्त्री राम बहादुर थापा बादल संग भेट गरी मुस्लिम आयोगका अध्यक्षले शन्तिपूर्ण तरिकाले सम्पन्न हुने सम्मेलन माथि कुनै प्रकारको शंका नगर्न र सुरक्षा व्यवस्था मिलाउन आग्रह गर्नु भएको थियो ।
यता कार्यक्रम गर्न यसअघि गृह मन्त्रालयले अनुमति दिँदा अघि सारेका सर्तहरुको आयोजकले पालना नगरेको कारण कार्यक्रममा रोक लगाइएको गृह मन्त्रालयका प्रवक्ता केदारनाथ शर्माले दिएको अभिव्यक्तिमा कुनै सत्यता नरहेको गृह मन्त्रीले प्रधानमन्त्रीलाई जानकारी गराउनु भएको थियो ।
गृह मन्त्रालय स्रोतका अनुसार मुस्लिमहरुको सहभागिता अत्यधिक हुने भएको आकलन गरे पनि सुरक्षा प्रदान गर्न समस्या हुने भएकोले प्रतिबन्ध लगाउनु परेको धारणा राखेका थिए ।
मुस्लिम आयोगको निरन्तर पहलका कारण दोस्रो पटक स्थागित भएको सम्मेलन पुन हुने भए पछि मुस्लिमहरु हर्षित भएका छन । गृह मन्त्रालयले प्रतिबन्ध लगाएको समाचार सार्वजानिक भए पनि सिंगो मुस्लिमहरुले नै गृह मन्त्रीको आलोचना गर्न सुरु गरेका थिए ।
मुस्लिम आयोगले सम्मेलनमा कुनै प्रकारको अवरोध नहुने र कुनै प्रकारको अवरोध भए आयोग जिम्मेवार हुने बताएको छ ।
Discussion about this post