खोजखबर संवाददाता
बर्दिया असार ३० गते। बढैयाताल गाउँपालिकाको वडा नं.३ मा रहेको मानझुण्डी सामुदायिक वन उपभोक्ता समुहको २०७५/०७६ को सार्वजनिक सुनुवाई तथा पाँचौ चुनावी साधारण सभा सम्पन्न भएको छ । सो कार्यक्रमको प्रमुख अतिथि बढैयाताल गाउँपालिकाका अध्यक्ष लाल बहादुर श्रेष्ठले सामुदायिक बनले स्थानीय जनताको हक हितको लागि कार्य गर्नु पर्नेमा जोड दिनुभयो । साथै उहाँले सामुदायिक वनले वातारण संरक्षणमा पनि सेवा पुर्याई रहेको बताउनुभयो । सो कार्यक्रमका विशिष्ट अतिथि डिभिजन बन कार्यालय, बर्दियाका प्रमुख हरि प्रसाद श्रेष्ठले सामुदायिक वनले स्थानीय नागरिकको लागि आर्थिक स्तर बढाउन पनि सहयोग गरेको बताउनुभयो ।
सो सार्वजनिक सुनुवाई कार्यक्रममा संस्थाको प्रगति विवरण समुहका सचिव पुस्पा चौधरीले जानकारी दिइन् । त्यसैगरि लेखा संयोजक पदम प्रसाद चापागाईले आर्थिक बर्ष २०७५/०७६ असार सम्मको रु.५७,९४,७२३ बराबरको आय ब्याय प्रस्तुत गर्नु भएको थियो । सोही अवशरमा नव निर्मित सभा हलको पनि उद्घाटन बढैयाताल गाउँपालिकाका अध्यक्ष लाल बहादुर श्रेष्ठले गर्नु भएको थियो । पदम प्रसाद चापागाईको संयोजकत्वमा ९ सदस्यीय निर्वाचन मण्डल गठन गरि चुनाव गरिने मानझुण्डी सामुदायिक वन उपभोक्ता समुहका कार्यालय सचिव पदम बहादुर बुढामगरले जानकारी गराउनुभयो । सो सार्वजनिक सुनुवाईको अध्यक्षता मानझुण्डी सामुदायिक वन उपभोक्ता समुहका अध्यक्ष शेर बहादुर रावलको अध्यक्षतामा सम्पन्न भएको थियो ।
Discussion about this post