राजापुर फागुन १५ गते । राजापुर नगरपालिकाका स्थानीय नागरिकहरु प्रत्याभुत सन्चारको बारेमा जानकारी प्राप्त गरेका छन् । प्लान इन्टरनेशनल नेपाल फिल्ड अफिस नेपालगंजको आर्थिक सहयोगमा स्याक नेपाल बाँकेद्धारा संचालित प्रत्याभुत संचार परियोजना अन्र्तगत अभिभावकहरुलाई प्रत्याभूत संचारको बारेमा अभिमुखिकरण कार्यक्रम राजापुर नगरपालिकाको वडा नं १० आनन्द नगरमा सम्पन्न भएको छ ।
उक्त अभिमुखिकरण कार्यक्रमको मुख्य उद्देश्य सहभागिहरुलाई प्रत्याभूत बालबालिकाहरुको फोटोहरु किन खिचिन्छ ? उनिहरुको सुचनाहरु बर्षिक रुपमा किन लगिन्छ ? उक्त सुचना तथा फोटोहरु के काममा प्रयोग हून्छ ? र समुदाय बिकासमा प्रत्याभूत बालबालिकाको महत्व तथा भुमिकाको बारेमा जानकारी गराई समुदायमा बालबालिकामाथि हुने बिभेदलाई कम गर्ने रहेको थियो । साथै सहभागिहरुले प्लान इन्टरनेशनल नेपालको यूवा तथा बाल संरक्षण नीतिको बारेमा पनि जानकारी गराउने रहेको थियो ।
उक्त अभिमुखिकरण कार्यक्रमका सहभागीहरुलाई स्याक नेपाल बाँकेका प्रत्याभूत संचार परियोजनाका बरिष्ठ कार्यक्रम अधिकृत शेषकान्त शर्माले स्वागत तथा कार्यक्रमको उद्धेश्य प्रष्ट पारेका थिए भने कार्यक्रमको सहजिकरण स्नेहलता श्रेष्ठ र जिवनाथ पराजुलीले गर्नु भएको थियो । सहभागीहरुले आफ्नो जिज्ञासाहरु पालैपालो राखेका थिए र उनिहरुको जिज्ञासाहरुको उत्तर स्नेहलता श्रेष्ठ र जिवनाथ पराजुली दिनुभएको थियो ।
उक्त अभिमुखिकरणको अन्त्यमा सवै सहभागीहरुले उनिहरु प्लान परिवारको भएको हुनाले उपहार स्वरुप सरसफाईको सामाग्रीहरु दिईएको थियो । जसमा उनिहरुले नुहाउने सावुन २ वटा,काइयो १ वटा, नङ्गकटर १ वटा, टावेल १ थान, दात माझने ब्रस १ थान र मन्ंजन १ थान रहेको थियो । उक्त कार्यक्रमको ब्यबस्थापन स्याक नेपालको फिल्ड सुपरभाईजर अनिता चौधरीले र सागर बि.क हरुले गर्नुभएको थियो । बर्दिया जिल्लामा प्रत्याभूत परियोजनाले परियोजना संचालन भएको ठाउँमा सवै अभिभावकहरुलाई प्लानको कार्यक्रमहरुका साथै बाल संरक्षण नीतिको बारेमा अभिमुखिकरण संचालन गर्ने योजना रहेको कुरा परियोजना अधिकृत शेषकान्त शर्माले जानकारी गराउनु भयो ।
Discussion about this post