बाँके फागुन १५ गते ।
नेपाल कम्युनिस्ट पार्टी नेकपाका नेता स्वर्गीय रबिन्द्र अधिकारीको प्रथम स्मृति दिवसको अवसरमा अनेरास्ववियु बाँकेद्वारा दीप प्रज्वलन गरेको छ ।
बिहीबार साझ नेपालगन्जको पुष्पलाल चोकमा नेपाल कम्युनिस्ट पार्टी नेकपा बाँकेका सचिवालय सदस्य रत्न खत्री, जिल्ला सदस्य तथा नेपालगन्ज उपमहानगरपालिका नगर सचिब दत्त प्रसाद आचार्य, अनेरास्ववियुका केन्द्रीय सदस्य मोहित शाह , केन्द्रीय सदस्य शर्मिला थापा, तुल्सीमणी केसी लगायतका नेता तथा अनेरास्ववियु सर्मथक विद्यार्थी नेताहरु, विद्यार्थीहरुको उपस्थितिमा दीप प्रज्वलन कार्यक्रम गरिएको हो ।
सो कार्यक्रमलाई सम्बोधन गर्दै नेकपा बाँकेका सदस्य रत्न खत्रीले स्व- रबिन्द्र अधिकारीले गर्दा आज सार्वजनिक यातायातका साधनमा ३३% छुटको व्यवस्था भएको, उनि संस्कृत तथा पर्यटन मन्त्री हुँदा पोखरा विमानस्थल लगायत देशका अन्य विमानस्थलमा थुप्रै सुधारका कामहरू भएको बताए ।
नेकपाका युवा नेता रबिन्द्र अधिकारी गत वर्ष फागुन १५ गते ताप्लेजुङमा भएको हेलिकप्टर दुर्घटनामा परि निधन भएको थियो । सो दीप प्रज्वलन कार्यक्रम सञ्चालन अनेरास्ववियु बाँकेका सह संयोजक टेकेन्द्र मल्लले गरेका थिए । सह संयोजक मल्लले कार्यक्रममा बोल्दै स्व- रबिन्द्र अधिकारीले विद्यार्थी आन्दोलनमा देखाएको बाटोमा अाफुहरु हिडेर उहाँको सपना साकार पार्ने बताएका छन ।
Discussion about this post