सरला सुवेदी बाँके कोहलपुर फागुन १६ गते ।
बाँकेको कोहलपुर नगरपालिका ११ स्थित एभरेष्ट टेक्निकल कलेजको आयोजनामा शुक्रबारदेखी आफ्नो व्यवसाय शूरु तथा सुधार गर्नुहोस भन्ने मुल नाराका साथ १० दिने प्रशिक्षक प्रशिक्षण तालिम सुरु भएको छ । तालिमको सविधान सभा सदस्य तथा पुर्व सिचाई राज्यमन्त्री दल बहादुर सुनारले उद्घाटन गरेका थिए । कार्यक्रममा बोल्दै प्रमुख अथिति सुनारले बेरोजगार भएर खाडी मुलकमा धाउनु भन्दा आफ्नै देशमा रहेर उद्यम गर्नुपर्नेमा जोड दिए । साथै उनले तालिममा प्रशिक्षार्थी भएर आउने र प्रशिक्षक भएर जानका निम्ति तन मन दिएर तालिम अवधिभर ध्यान दिनु पर्ने बताए ।
त्यस्तै कार्यक्रममा बोल्दै कोहलपुर नगरपलिका वडा नं ११ का वडाध्यक्षले कर्ण बहादुर थापाले उद्यमशिलताले मान्छेको बाच्ने आधार भएको बताउदै तालिमबाट कुशल प्रशिक्षक बन्नका निम्ति शुभकामना दिएका थिए । त्यस्तै सहकारी संघ प्रदेश नं ५ का अध्यक्ष प्रेम सुवेदीले जागिर भन्दा उद्यमशिलताले आत्मनिर्भर बनाउने बताए ।
तालिममा औद्योगिक व्यवसाय विकास प्रतिष्ठान निर्देशक ईश्वरी प्रसाद शर्माले सहजीकरण गर्ने बताइएको छ । एभरेष्ट टेक्निकल कलेजका प्रबन्ध निर्देशक विरेन्द्र सुवेदीको अध्यक्षतामा भएको प्रशिक्षक प्रशिक्षण तालिम २५ गते सम्म सन्चालन रहने बताइएको छ।
Discussion about this post