जनकपुरधाम फागुन १९ गते । प्रदेश २ प्रहरी कार्यालय र जिल्ला प्रहरी कार्यालय धनुषाको टोलीले नेत्रबिक्रम चन्द ‘विप्लव’ नेतृत्वको नेकपा निकट अखिल क्रान्तिकारी शिक्षक संघका केन्द्रीय उपाध्यक्षलाई पक्राउ गरेको छ । प्रहरीले धनुषाबाट उनलाई आइतबार राति १२ बजेतिर गणेशमान चारनाथ नगरपालिका—५ स्थित सुखवनी खोलाबाट पक्राउ गरेको हो । पक्राउ पर्नेमा मिथिला बिहारी नगरपालिका—३ बस्ने ५० वर्षीय गौरीनारायण मण्डल रहेको प्रहरीले जनाएको छ । पक्राउ परेका मण्डल नेकपा विप्लव समूह निकट अखिल क्रान्तिकारी शिक्षक संघका केन्द्रीय उपाध्यक्ष समेत रहेको प्रहरी निरीक्षक अवधेश यादवले जानकारी दिए । प्रहरीका अनुसार संगठित अपराध, बम बिस्फोट तथा कर्तव्य ज्यान मुद्दाका उनी फरार प्रतिवादी हुन् । झण्डै तीन महिनाअघि धनुषाको क्षिरेश्वरनाथ नगरपालिका—५ महेन्द्रनगरमा प्रहरी निरीक्षकसहित तीन जनाको ज्यान जाने गरी गराइएको बम बिष्फोटमा उनको संलग्न रहेको प्रहरीको भनाइ रहेको छ ।
Discussion about this post