इलाम फागुन २२ गते । इलामको फाकफोकथुम गाउँपालिका ६ फुस्रेको तिनजुरे बोर्डिङ स्कुलको छात्राबासमा आगलागि हुँदा २५ लाख बढीको क्षती भएको छ । बुधबार साँझ करिब ६ बजेको समयमा भएको आगलागिमा घरघर सहित भाडाबर्तन,अन्नपात,लत्ता कपडा, दुईवटा टेलिभिजन ,चारवटा ल्यापटप, दुईवटा कम्प्युटर , टेबल,कुर्सी, दराज, खाट र कागजात जलेर नष्ट भएको जिल्ला प्रहरी कार्यालयले जनाएको छ ।
काठ र टिनबाट निर्माण गरिएको दुई तले छात्राबासमा बिधुत सर्ट भई आगलागि भएको जिल्ला प्रहरी कार्यालय इलामका प्रहरी नायव उपरीक्षक हेमन्त भण्डारीले जानकारी दिए । एकतप्पा प्रहरी चौकी र स्थानीयको सहयोगमा दुई घण्टा पछि नियन्त्रणमा लिईएको थियो । सुक्खायाम शुरु भए संगै आगालागिका घटनामा बृद्धि हुँन थालेका छन् ।
ADVERTISEMENT
Discussion about this post