विष्णु अधिकारी बर्दिया चैत ५ गते । मधुवन नगरपालिका वडा नं. ३ कोठियाघाटमा अवस्थित शिव लक्ष्मी धाम मदन बाबा भक्ति केन्द्रलाई आध्यात्मिक केन्द्रको रुपमा विकास गर्नका लागि काम सुरु गरिने भएको छ । भक्ति केन्द्रका भक्तजनहरुबाट रकम संकलन गरि बन्दै गरेको भवन पूर्ण रुपमा निर्माण नभैसकेको हुँदा स्थानीय निकायले सहयोग गर्नुपर्ने भक्ति केन्द्रकी बर्दिया जिल्ला अध्यक्ष तथा केन्द्रिय सल्लाहकार ज्ञानुमाया रिजालले बताईन ।
रिजालले आध्यात्कि केन्द्रलाई मेडिटेसन केन्द्रको रुपमा विकास गर्दै धार्मिक जागरणको माध्यमद्धारा यस क्षेत्रको विकास गर्न आफुहरु लागि परेको बताइन । उनले यस क्षेत्रको विकास भएमा धार्मिक पर्यटक भित्राउन सहयोग पुग्ने भएको हुँदा सबैको सहयोग आवश्यक रहेको रिजालले बताएकी छिन् । यसै क्रममा यस क्षेत्रलाई हराभरा बनाउनका लागि मदन बाबाले बृक्षरोपण समेत गरेका छन् । सो क्षेत्रमा रक्तचन्दन, पलास, दालचिनी, रुद्राक्ष, चन्दन लगाएत विभिन्न जातका फुलहरु रोपिएको छ । यस क्षेत्रको संरक्षण, प्रवर्धनका लागि स्थानीयले छुट्टै बजेट विनियोजन गरेमा यस क्षेत्रलाई धार्मिक पर्यटन क्षेत्र बनाउन सहयोग पुग्ने स्थानीय बासीले बताएका छन् ।
Discussion about this post