कृतबहादुर बिष्ट धनगढी चैत २९ गते। देशमा कोरोना संक्रमण रोक्न लकडाउन भएको समयमा काठ तस्करी हुन थालेपछि डिभिजनल वन कार्यलय कैलालीले सक्रियता बढाएको छ ।
वन कार्यलयको सक्रियता संगै जिल्लाका बिभिन्न स्थानबाट तस्करीको अबैधानिक काठ धमाधम बरामत हुन थालेको हो ।
जस अन्तरगत कैलालीको गोदावरी नगरपालिकाको ओलानीबाट गत २६ गते, चिरानको ६१ थान र ४ गालिया सहित ९११४।४८० क्युबफिट, १३ गते धनगढी उपमहानगरपालिका १६बाट २ गोलिया ९७०।१६० क्युबफिट,२३ गते उपमहानगरपालिकाकै १५ वाट ११ गोलियाका ९१८०।१०० क्युबफिट,यस्तै कैलारी गाँउपालिका वडा नम्बर ९बाट ४थान गोलिया ९११०।६७० क्युबफिट चोरी तस्करीको अबैधानिक काठ बरामत गरिएको डिभिजनल वन कार्यलय कैलालीका प्रमुख रामचन्द्र कडेलले जानकारी दिए ।
प्रायः सबै सरकारी कार्यलय लकडाउनमा छन् ,यही समयको मौकाको फाईदा उठाउदै जंगलवाट अबैध काठ तस्करी हुन थालेपछि डिभिजनल वन कार्यलय कैलालीले वन गस्तीमा सक्रियता बढाएको कडेलको भनाई छ ।
पछिल्लो समयमा बिश्ब्यापीरुममा फैलिएको कोरोना भाईरसको सन्त्रास छ तर पनि आफुहरु स्वास्थ्य सामाग्री बिना नै बन संरक्षणमा खटिएको उनको भनाई छ । सरकारले अन्य राष्ट्रसेवक कर्मचारीहरुलाई स्वास्थ्य बिमा,अबश्यक ब्यबस्थापन खर्चको ब्यबस्था गरे पनि वन कर्मचारीहरुलाई सरकारले ब्यबस्थापनमा चाँसो नदिएको समेत कडेलको गुनासो छ ।
Discussion about this post