सुर्खेत चैत्र ३० गते । भारतबाट आएर सुर्खेतमा क्वारेन्टाइनमा बसेका १ सय ८३ जना घर फर्किएका छन । क्वोन्टाइनमा बसेको सबैको रिर्पोट नेगेटिभ देखिएपछि शनिबार उनीहरुलाई घर पठाइएको कर्णाली प्रदेश सरकारले जनाएको छ ।
रोजगारीका लागि भारत पुगेका उनीहरुलाई सुर्खेतको वीरेन्द्रनगर नगरपालिकाका विभिन्न क्वारेन्टाइनमा राखिएको थियो । क्वारेन्टाइनमा कुनै लक्षण नदेखिएको र जाँच गर्दा पनि रिर्पोट नेगेटिभ आएपछि घर फर्काइएको कर्णाली प्रदेश स्वास्थ्य निर्देशनालयका निर्देशक रिता भण्डारीले जानकारी दिइन ।
घर फर्किनेमा सबैभन्दा धेरै दैलेखका ८२ जना र जुम्लाका ५७ जना छन । यस्तै जाजरकोटका २०, कालिकोटका ७ र अछामका एक जना रहेका भण्डारीले बताइन । पछिल्लो समय सुर्खेतमै कोरोना परीक्षण हुन थालेपछि संक्रमणको आशंका गरिएका व्यक्तिहरुलाई जाँच गर्न सजिलो भएको छ ।
ADVERTISEMENT
Discussion about this post