सरला सुबेदी बाँके बैशाख ७ गते । नेपाल कम्युनिस्ट पार्टी (नेकपा) प्रदेश निर्वाचन क्षेत्र समन्वय कमिटी बाके १ “ख “काे अायाेजनामा अाज काेहलपुरमा रक्तदान कार्यक्रमको आयोजना गरिएको छ ।बिश्वब्यापी रुपमा फैलिएको कोरोना भाइरस कोभिड १९ का कारण देश पुर्ण रुपमा लकडाउनमय छ । लकडाउनका कारण रक्तसञ्चार केन्द्रहरुमा रगतको कमी हुँदा ठूला ठुला अप्रेसन गर्नुपर्ने बिरामीसँगै मिर्गौलाको नियमित डायलासिस, अप्रेसन गर्नुपर्ने सुत्केरी, सिकलसेल एनिमियालगायतका बिरामीलाई रगतकाे अभाव भएकाे भन्दै नेकपाले आइतबार नेपालगञ्ज मेडिकल कलेज शिक्षण अस्पताल कोहलपुरमा रहेको रक्त संचार केन्द्रमा रक्तदान कार्यक्रम राखेको नेपाल कम्युनिस्ट पार्टी (नेकपा) प्रदेश निर्वाचन क्षेत्र समन्वय कमिटी बाके १ ख का संयाेजक अब्दुल हुसेन खानले जानकारी गराए।रक्त सञ्चार केन्द्रमा अाज बिहान १० बजे देखि दिउसाे ४ बजे सम्म रक्तदान कार्यक्रम आयोजना गरिएकाे संयाेजक खाँनले बताए । रक्तदान गरि रगतकाे अभाव कम गर्न सहयाेग गर्न संयाेजक खाँनले सबैलाई अनुराेध गरेका छन।उनले अब सबैले सेवाको भावले आफुमा भएको एक प्वाइन्ट रगत दान गरे रक्त अभावको कारण कसैले आफ्नो ज्यान जोखिममा लार्न नपर्ने बताए ।
Discussion about this post