बाँके बैशाख १२ गते । नेपालगन्जको दशगजा नजिकै क्वारेन्टाइनमा राखिएका १ सय ८० जना नेपाली मजदुरहरु आज आ-आफ्नो घर फर्किएका छन ।
भारतबाट नेपाल फर्किने क्रममा नेपालगन्ज नाकामा आइपुगेका १ सय ८० जना मजदुरहरुलाई नेपालको सीमा नाकामा आएको २३ औ दिनमा स्थानिय प्रशासनले घर पठाएको हो ।
क्वारेन्टाइनमा बसेको १५ औ दिन अर्थात बैशाख ४ गते र्यापिट डाइनोष्टिक टेष्ट (आरडीटी) प्रविधीद्वारा परिक्षण गर्दा सबै मजदुरको रिपोट नेगेटिभ आएको थियो ।
रिपोट नेगेटिभ आए पछि पनि थप एक साता क्वारेन्टाइन मै राखेर जिल्ला प्रशासन कार्यालय संग समन्बय गरेर घर फर्कने ब्यबस्था मिलाएको हो ।
घर फर्किए पछि पनि उनीहरु आफ्नै गाउ तथा नगरपालिकाहरुको क्वारेन्टाइनमा थप ७ दिन बस्नु पर्ने छ ।शुरुमा बसाई राम्रो भएको र १४ दिन पश्चात बसाईमा कठिनाई भएको बर्दियाका गोबिन्द जंग शाहले बताए ।
बैशाखको महिनामा आउने हावाहुरी र पानीका कारण पनि आफुहरुलाई धेरै समस्या रहेको र ब्यबस्थापकहरुले पनि खानामा। स्वास्थ्य जाँचमा पनि लापरबाही गरेको समेत उनले बताए ।
आफुहरु यहाँ बस्दा सम्म सिकेका कुराहरु गाँउमा गएर सबैलाई सचेतना गाउने काम पनि आफुबाट हुने शाहले जनाए ।शुरुवाति दिनहरुमा सबै ब्यबस्था राम्रो गरेको भएता पनि १४ दिन पश्चात खानामा लापरबाहि गरेको दैलेखका गणेश बिष्टले बताए । गर्मि र हाबाहुरीबाट समस्यारहेको समेत बताए ।
बिष्टले भने यहाँ बस्दा सम्म कोराना भाईरसका बारेमा धेरै ज्ञान भएको पनि जनाए । अब घर गएपछि कोरानाबाट आफु र आफ्नो परिवारलाई बचाउनकालागि यहाँ सिकेको ज्ञान प्रयोग गरिने समेत जनाए ।
करिब २२ दिन नेपालगन्जको क्वारेन्टाईनबाट भर फर्कदै गरेका झापा निवासी भलक मगरले भने यहाँँ जे जस्तो ब्यबस्था भएको थियो राम्रो भएको र घर जादा आफुहरु लाई गाडी भाडा नभएको गुनासो गरे ।
सबै ब्यबस्था गरेको भएता पनि भाडा नहुदा समस्या रहेको सुनाए । नेपालगन्ज उपमहानगरपालिका स्वास्थ्य शाखाका एचए लोक प्रकाश रोकायले भने क्वारेन्टाईनमा बसेका ब्यक्तिहरुमा स्वास्थ्यमा कुनै समस्या नरेहको बताए ।
उनीहरुलई १४ दिनमा आरटिडी परिक्षण सबैको नेगेटिभ आए पनि अहिलेसम्म स्वास्थ्य चेकजाँच हुदै आएको बताए । क्वारेन्टाईनमा बसेकाहरुलाई स्वास्थ्य शाखाबाट निरोगिताको प्रमाण पत्र पनि दिएको जनाए ।
भारतका विभिन्न शहरबाट आएका २६ जिल्लाका एक सय ८० जनालाई विगत दिनदेखि दशगजा क्षेत्रमा राखिएको थियो । उनीहरुलाई आज ६ वटा सवारीको ब्यबस्था गरि आ–आफ्नो जिल्लामा पठाउन लागेको जिल्ला प्रहरी कार्यालयका प्रहरी निरिक्षक सुरज खत्रीले बताए ।
उनीहरुलाई स्वास्थ्य परिक्षणको प्रमाणपत्र पनि दिइएको जनाए ।२३ दिनसम्म क्वारेन्टाई बसाई जे जस्तो समस्या भोगेको भएता पनि उनीहरु घर जान पाएकोमा सबैको मुहारमा हासो देखिएको छ । कोरोनाको संक्रमण भए नभएको पुर्ण रुपमा एकीन गर्नका लागि पिसिआर प्रबिधिबाट नै खकारको नमुना परिक्षण गर्नु पर्छ । तस्बिर रबिन्द्र ठकुरी
Discussion about this post