बाँके बैशाख १२ गते । भुमि व्यवस्था कृषि तथा सहकारी मन्त्रालयकाे संयोजकत्वमा प्रदेश ५ का १२ वटै जिल्लाहरुमा ४४ ओटा कृषि एम्बुलेन्स सुरु भएका छन ।
किसानले उत्पादन गरेका कृषि तथा पशुजन्य उत्पाकत्वलाई बजारीकरणमा सहजता ल्याउनकाे लगि कृषि एम्बुलेन्स सञ्चालनमा ल्याईएकाे हाे ।
कृषि ज्ञान केन्द्र बाँके प्रमुख सागर ढकालका अनुसार कृषि ज्ञान केन्द्र तथा पशु सेवा विज्ञ केन्द्रमा रहेका पिक अप भ्यान र मन्त्रालय मातहतका कार्यलयहरुले अनुदानकाे रुपमा उपलब्ध गराएका पिक अप भ्यान कृषि एम्बुलेन्सकाे रुपमा प्रयाेग गरिएकाे बताएका छन ।
उनले बैशाख ११ गते बाट बाँके जिल्लामा यो सेवा सुचारु गरेको बताएका छन् । हिजो र आज गरेर बर्दिया जिल्ला का किसानहरुले उत्पादन गरेको तरकारी ४२ क्विन्टल, र अन्य कृषी बस्तुहरु नेपालगन्ज उपमहानगरपालिकामा ल्याएर बजारीकरण गर्दै किसानकै मुल्यमा उपभोक्ता लाई वितरण गर्दै कृषि एम्बुलेन्स सेवाको सुरुवात गरिएकाे छ ।
तरकारी उत्पादन गर्ने किसान र उपभोक्ताबीच पुलको काम गर्नका लागि कृषि एम्बुलेन्स सेवा सुरु गरिएको हो ।
एम्बुलेन्स सेवा संचालन गर्न प्रदेश भरिका सहकारी संघ हरुको सहकार्य र समन्वयमा सेवा सन्चालन गरिएको बाँके जिल्ला सहकारी संघका अध्यक्ष प्रेम सुबेदी बताउछन् ।
उनले लकडाउनको समयमा किसानको तरकारी बारीमै नसुकुन र नकुहुन भनेर यसबाट सुपथ मूल्यमा उपभोक्ताको घरदैलोमा तरकारी पुग्ने हुदा प्रदेशै भरी यो सेवा सन्चालन गरिएको बताएका छन्।
Discussion about this post