बाँके बैशाख १३ गते । चैत्र महिनाको दोस्रो सातादेखी कोरोना महामारीका कारण देश लकडाउनमय भएको छ ।
अन्य देशमा जस्तो नेपालमा कोरोनाको कारण अहिले सम्म कसैको मृत्यु भएको छैन तर लकडाउनको नियम तोडे महामारी नफैलेला भन्न सकिन्न त्यसैले लकडाउनलाई थप प्रभावकारी र व्यवस्थित बनाउन कोहलपुर नगरपालिकामा निर्णय भएको छ ।
कोहलपुर नगरपालिकामा भएको कोरोना भाईरस संक्रमण रोकथाम तथा उपचार कोष सञ्चालन समितिको बैठकले लकडाउनलाई थप प्रभावकारी बनाउन सर्वपक्षीय बैठक बसि यस्तो निर्णय गरेको हो ।
लकडाउनलाई प्रभावकारी बनाउन र संक्रमणको जोखिम कम गर्न कोहलपुर चौराहमा भएको हेल्प हेल्थ डेक्सलाई कोहलपुर १२ को रोहिणी खोला स्थित बाँके राष्ट्रिय निकुञ्ज सुरक्षार्थ रहेको नेपाली सेनाको व्यारेक भएको स्थानमा स्थानान्तरण गर्ने निर्णय भएको छ ।
कोहलपुर चौराहमा हेल्थ हेल्प डेस्क राख्दा कोहलपुर क्षेत्रमा जोखिम बढन सक्ने भएकाले हेल्प हेल्थ डेस्क उक्त स्थानमा सार्ने र बाहिर बाट आउने सावरी साधनलाई कोहलपुर क्षेत्रमा नरोकी सिधै गन्तब्यमा पठाउने निर्णय भएको नगर प्रमुख लूट बहादुर रावतले जानकारी गराए।
यस अघि पनि पटक पटक मौखिक सहमति भएको पएपनि सो को कार्यान्यनन नभएको भन्दै यस पटक लिखित रुपमै निर्णय गरिएको रावतले जानकारी दिएका छन्।
उनले लक डाउनको पुर्ण पालनामा नभएकाले आवश्यक मात्रमा नेपाली सेना परिचानका लागि जिल्ला प्रशासनलाई आग्रह गरिने बताएका छन् ।
नगरप्रमुख रावतका अनुसार कोरोना महामारीको जोखिम कम गर्न तथा प्रभाबितलाई राहात दिन कोहलपुर नगरपालिकाकाले कार्यबिधि समेत पास गरेको बताए ।
प्रमुख रावतले आगामि दिनमा सोही कार्यबिधी अनुसार गठित सर्बपक्षिय समितिको निर्णय अनुसार राहात ,उद्धार र व्यवस्थापनको कामलाई अगाडि बढाईने बताए ।
उनले यस अघि ४ हजार ३ सय बढि लाई राहात बितरण गरिएको भएपनि केहि छुटेको गुनासो आएकाले वडा स्तरको समन्वय समितीको सिफारीसका आधारमा १५ दिन सम्म खान पुग्ने गरि प्रतिव्यति ५ किलो चामल,दाल र तेल लगायतका खाद्य समाग्रि बितरण गरिएको बताए।
राहात प्राप्त गर्नेहरुको तिन पुस्ते सार्वजनिक गरिने कोहलपुर नगरपालिकाका प्रमुख प्रशासकिय अधिकृत बिरेन्द्र देव भारतीले बताएका छन ।
उनले वडा स्तरमा राहात समाग्रि खरिद गर्दा समेत ३ दिनको समय अवधी राखेर कोटेशन आवहान गर्न वडा कार्यालयहरुलाई निर्देशन दिईएको न बताए ।
कोरोना महामारी रोकथाम कोषको बैठकमा सहभागि राजनैतिक दलहरुले राहात बितरणमा वडा स्तरको सर्वपक्षिय समन्वय समित गठन गरेर पारदर्शी तरीकाले राहात बितरण गर्न सुझाव दिएको कोहलपुर नगरपालिकाका योजना शाखा प्रमुख अग्नी आचार्य बताउछन् ।
उनले कोहलपुर नगरपालिकामा लकडाउनको पुर्ण रुपमा पालना नगर्दा दिन प्रतिदिन जोखिम बढ्ने गरेको नगरबासिलाई नियमपुर्वक लकडाउनको पालना गर्न र गराउन सबैलाइ आग्रह समेत गरेका छन् ।
Discussion about this post