खड्क सुनार मुगु बैशाख १३ गते । चैत्र ११ गतेदेखि देशव्यापी लकडाउनको कारण उधोग कलकारखाना , होटल , सरकारी कार्यालय , र एक गाउ बाट अर्को गाउमा मानिस जानलाई पनि प्रतिवन्द लगाएको छ । तर कर्णाली प्रदेशका जिल्लाहरुमा भने यतिवेला लकडाउनको अवस्था भने खुकुलो रहेको पाईन्छ ।
त्यस्तै कर्णाली प्रदेशकै मुगु जिल्लामा यति बेला सदरमुकाम गमगढी बजार लकडाउनको पालना प्रभावकारी बन्दै गएको छ भने मुगु जिल्लाका ग्रामिण क्षेत्रमा कामको चटारोले लकडाउको खासै प्रभावकारी नदेखिएको जानकारहरुले बताएका छन् ।
यतिखेर मुगु जिल्लाका अधिकांश बस्तिमा कृषक भने खेतीपातीमा व्यस्त रहेका छन् । कृषकहरू खेतबारीमा गहुँ जौ स्याहार्नेदेखि मकै छर्ने काममा जुटेका छन् । कतै खेतबारीमा मल फालिरहका छन् त कतै वर्षेवाली मकै लगाउने, डल्ला फोर्न जुटेका छन ।
खेतबारीको जौ गहुँ स्यहार्नदेखि खेतबारी सफा गर्ने वर्षभरि संकलन गरेको कम्पोष्ट मल फाली मकै छर्न अहिले किसानलाई भ्याइनभ्याइ भएको छ । कोरोना भाइरसको सक्रमणबाट बच्न कृषकहरुले दुरी कायम गर्दै काम गर्दै आएका छन् ।
यो समयमा सावधानी अपनाएर घरपरिवारका सदस्य मिलेर, मुखमा माक्स लगाउँदै दुरी कायम गरी खेतीपातिको काम गर्दै आएको छायानाथ रारा नगरपालिका वडा नं ५ का स्थानीय सिंह राज विकले जानकारी दिनु भएको छ ।
एक महिनाभन्दा लामो लकडाउनको कारण उधोग कलकारखाना बन्द भएपछि रोजगारमा रहेका अधिकाशं परिवारका सदस्यहरु गाउँ घर फर्किएका छन् ।
लकडाउनको कारण परिवारका सदस्यहरु जुटेर खेतीपातीको काममा सहयोग मिलेको उहाले बताउनु भयो । एकातिर छायानाथ रारा नगरपालिकाले मजदुरको लागि जिल्ला भन्दा बाहिर गएका आफ्ना नगरवासीहरु लाई उद्धार गरिरहेको छ ।
उद्धार गरिएका विद्यार्थी , मजदुरहरु लाई सिधै आफ्नो घर नपठाई क्वाराईन्टाईनमा राखिने छायानाथ रारा नगरपालिकाले जनाएको छ ।
Discussion about this post