बैशाख १८ गते । विश्वव्यापी महामारी निम्त्याएको कोरोना भाइरसका कारण अमेरिकामा मृत्यु हुनेको संख्या ६० हजार नाघेको छ । यो समाचार तयार पार्दासम्म अमेरिकामा कोरोनाले ६० हजार ५ सय १२ जनाको ज्यान गएको छ ।
साढे १० लाख मानिस संक्रमित छन । पछिल्लो २४ घण्टामा मात्रै अमेरिकामा एक हजार भन्दा धेरै मानिसको मृत्यु भएको छ । १३ हजार बढी नयाँ संक्रमित फेला परेका छन । कोरोनाले सबैभन्दा बढी आक्रान्त हुने देश अमेरिका हो ।
अमेरिकामा कोरोनाले सबैभन्दा धेरै न्युयोर्कमा झण्डै २४ हजार मानिसको मृत्यु भएको छ । यस्तै न्युजर्सीमा ६ हजार र मासाचुसेट्समा ३ हजार बढीको मृत्यु भएको छ । अमेरिकामा १ लाख ४४ हजार मानिस उपचारपछि घर फर्किदा १९ हजारको अवस्था अझै नाजुक छ ।
साढे ८ लाख मानिसको भने विभिन्न अस्पतालमा उपचार भइरहेको छ । चीनको वुहानबाट फैलिएको कोरोनाले अमेरिकालाई हायलकायल पारेको छ । अमेरिकी राष्ट्रपति डोनाल्ड ट्रम्पले कोरोनाका कारण २ लाख मानिसको ज्यान जान सक्ने बताएका छन ।
Discussion about this post