काठमाडौं बैशाख १८ गते । प्रधानमन्त्री केपी शर्मा ओली कोरोना कहरको संकट सकिएपछि बामदेव गौतमलाई नयाँ प्रधानमन्त्री बनाउने प्रस्ताव गरेका छन । बुधबार बसेको नेकपा सचिवालय बैठकमा ओलीले बामदेवलाई प्रधानमन्त्री बनाउने प्रस्ताव गरेका हुन । यस्तै बरिष्ठ नेता माधव नेपाललाई तेस्रो अध्यक्ष बनाउने पनि ओलीको योजना छ ।
दल फुटाउने अध्यादेश ल्याएपछि नेकपाको आन्तरिक विवादमा फसेका प्रधानमन्त्री ओलीले प्रधानमन्त्री पद छाड्नैपर्ने अवस्था आउँदा बामदेवलाई नयाँ प्रधानमन्त्री बनाउने योजना अघि सारेका हुन । अर्का अध्यक्ष प्रचण्ड, बरिष्ठ नेता माधव नेपाल र झलनाथ खनालको मागअनुसार आफूले पद छाड्ने तर बामदेव प्रधानमन्त्री हुनुपर्ने ओलीको प्रस्ताव छ ।
ओली नेकपाको पहिलो अध्यक्ष, प्रचण्ड दोस्रो र तेस्रो अध्यक्षका रुपमा माधव नेपाल रहने ओली सुत्र छ ।
जसलाई नेकपाका अरु नेताले अनौठो प्रस्ताव भनेका छन । ओलीले अचानक बामदेवलाई अघि सारेपछि सचिवालय बैठक २० गतेलाई सारिएको छ । जसमा गम्भिर छलफलपछि पार्टीले निर्णय गर्नेछ । कोरोना संक्रमणपछि बामदेव गौतम प्रधानमन्त्री बन्ने र माधव नेपाल तेस्रो अध्यक्ष बन्नेगरी भित्रि चलखेल शुरु भएको अरु नेताहरुको भनाई छ ।
ओलीले कोरोना संकट सकिएपछि प्रधानमन्त्री छाड्ने र उपाध्यक्ष गौतमलाई प्रधानमन्त्री बनाउने प्रस्ताव पारित गराउन राष्ट्रिय सभा सदस्य पनि प्रधानमन्त्री हुने गरी संविधान संशोधन गर्न तयार गरेको बताएका छन । यसबारेमा २० गते बस्ने सचिवालय बैठकले विस्तृत छलफल गरेपछि मात्रै निष्कर्षमा पुग्ने नेताहरुको भनाई छ ।
Discussion about this post