खोजखबर संवाददाता
बाँके साउन २६ गते । नेपालगन्ज भेरी नर्सिंङ कलेजले खाना सम्बन्धी जानकारी दिनको लागि स्वास्थ्यको लागि खानेकुराको प्रदर्शनीको आयोजना गरेको छ ।
दैनिक रुपमा स्वास्थ्य हुनको लागि के कस्ता तथा कुन–कुन समयमा कस्तो खाना खाने विषयमा केन्द्रित रही प्रदर्शनी आयोजना गरेको बताइएको छ ।
मानिस जन्मेदेखि मर्ने बेलासम्मको उमेर अर्थात वालकदेखि बृद्ध अवस्था सम्मको उमेरका मानिसलाई कुन बेला के कस्तो खानेकुरा खाँदा स्वास्थ्यको लागि फाइदा पुग्ने भन्ने विषयमा जानकारी दिनको लागि स्वास्थ्यको लागि खानेकुराको प्रदर्शनी गरिएको भेरी नर्सिङ कलेजले जानकारी दिएको छ ।
आयोजित प्रदर्शनीमा सहभागी भएका मध्येबाट विभिन्न समूहमा विभाजन गरी हरेक समूहमा चार–चार जनाको समूह बनाई प्रदर्शनीमा आउनेलाई जानकारी दिइएको थियो ।
स्वास्थ्यको लागि खानेकुरा प्रदर्शनीको प्रमुख अतिथि नेपालगन्ज भेरी नर्सिङ कलेजका एमडी संजय सिंह र बिशिस्ट अतिथी नर्शिङ कलेजका प्रिन्सिप्ल अलिजा कोइरालाको उपस्थितिमा भएको प्रदर्शनी कार्यक्रममा सहभागी अधिकांशले खानेकुराको समय तालिकाबारे जानकारी पाएका थिए ।
स्वास्थ्यको लागि खानेकुराको प्रदर्शनी कार्यक्रममा भेरी नर्सिङ कलेजमा अध्ययनरत छात्राहरुको परिश्रमको सम्मान गर्दै एमडी सिंहले यस्ता प्रदर्शनबाट जनताको स्वास्थ्यमा सकारात्मक रुपमा प्रत्यक्ष प्रभाव पर्न सक्ने बताए । उनले गर्भवती महिला, बच्चादेखि बृद्धावस्थासम्म खानेकुराको समय तालिका बारे जानकारी पाउन मद्दत मिल्ने बताए ।
Discussion about this post