सन्जु छत्कुलि विरगञ्ज बैशाख २५ गते ।
पर्सा प्रहरीले वीरगञ्ज महानगरपालीका वडा नम्बर ३ स्थित एक घरबाट लागुऔषध सहित ५ जनालाई पक्राउ गरेको छ ।
वीरगञ्ज महानगरपालीका वडा नं.३ बस्ने बर्ष ४६ को सन्तोष पटेल को घरमा लागु औषध जम्मा गरी खरिद बिक्रि गरि रहेको सुचनाको आधारमा जिल्ला प्रहरी कार्यालय पर्साबाट खटिएको प्रहरी टोलीले पटेलले आफ्नो घरमा बक्स पलङ भित्र बिक्रि बितरण गर्न लुकाई छिपाई राखेको अबस्थामा लागुऔषध सहित ५ जनालाई पक्राउ गरिएको पर्सा प्रहरीले जनाएको छ ।
बरामद गरिएको लागु औषधहरु १ सय एमएलको डाईलेक्स डिसी ८७ बोतल, १ सय एमएलको ओनोरेक्स १ सय ३ बोतल, निट्राजेपाम २० पीस, नाइट्रोभ्याट ३६ पीस र सिम्प्लेक्स्ट ८ वटा पतामा ५७ पीस फेला परेको पर्सा प्रहरीले जनाएको छ ।
लागुऔषधमा पक्राउ परेका पाँचै जनालाई जिल्ला प्रहरी कार्यालय पर्साको हिरासतमा राखी थप अनुसनधान भइरहेको पर्सा प्रहरीले जनाएको छ ।
Discussion about this post