बाँके बैशाख २७ गते ।
भारतले नेपालको सीमासँग जोडिएका जिल्लालाई ग्रीन जोनमा राखेर लकडाउन खुकुलो पारेपछि भारतमा विचल्लीमा परेका नेपालीहरु भने जवरजस्त नेपाल प्रवेश गर्न थालेका छन् । जस्का कारण सुदूरपश्चिम प्रदेश सहित बाँके, बर्दिया र दाङका स्थानीय सुरक्षा अधिकारीहरु तनावमा परेका छन् ।
बाँकेका प्रमुख जिल्ला अधिकारी कुमारबहादुर खड्काले भारततर्फको क्वारेन्टिनमा बसेका नेपालीहरु चोरबाटो प्रयोग गरेर आउनेक्रम बढेको स्विकार गर्नुहुन्छ । तर आफुहरुले त्यसको नियन्त्रणका लागि प्रभावकारी सुरक्षा संयन्त्र परिचालन गरिएको दावी गर्नुहुन्छ ।
बाँके, बर्दिया, दाङसहित सुदूरपश्चिम प्रदेशका विभिन्न सीमानाकाबाट पछिल्लो एक हप्तामा जवरजस्त नेपालीहरु फर्किरहेका छन् । कञ्चनपुरका प्रमुख जिल्ला अधिकारी नरहरी खतिवडाले दिउँसोको समयमा सुरक्षाकर्मीहरुको उपस्थिति हुने तर रातीको समयमा कम उपस्थिति हुने भएकाले चुनौति रहेको बताउनुहुन्छ ।
भारतले लकडाउन खुकुलो बनाएका कारण भारतीय सुरक्षा बल एसएसवीले भारतबाट नेपाल आउनेहरुलाई कडाइ गरेका छैनन् । जस्का कारण ठूलो संख्यामा नेपालीहरु भारतबाट नेपाल प्रवेश गर्ने तयारीमा छन् । यसले मुख्य नाकामै सुरक्षा चुनौति थपिएको सुरक्षा अधिकारीहरु बताउँछन् ।
Discussion about this post