बाँके बैशाख २९ गते ।
जनसरोकारका समसामयिक सवालमा सम्वाद सहजीकरण गर्दै आएको सम्वाद समूह बाँकेले कोरोना(कोभिड–१९)को संक्रमण रोकथाम र न्यूनीकरणका लागि पनि विशेष पहल गर्दै आएको छ ।
कोरोना संक्रमणको विषम परिस्थितीमा सम्वद्ध सरोकारवालासँग नियमित सम्पर्क, समन्वय, सम्वाद र सहकार्यमा रहदै आएको समूहले आन्तरिक छलफललाई पनि निरन्तरता दिएको छ ।
नेपालगञ्जमा कोरोना संक्रमण देखीएपछि सम्वाद समूह बाँकेले सरोकार निकायसँग समसामयिक सवालमा सम्वाद तथा आवश्यक सहजीकरण गर्दैै आएको छ । सरोकार निकायबीच प्रभावकारी समन्वय र सम्वाद नभइरहेको स्थितीमा समूहले निरन्तर अनलाईन वैठकमार्फत सम्वादको बातावरण बनाउदै आएको छ ।
सम्वाद समूहको आईतबारको आन्तरिक अनलाईन वैठकमा सम्वाद समूह बाँकेका सहजकर्ता शुक्रऋषि चौलागाइले कोरोना नियन्त्रणमा सम्वादले गरिरहेको पहल र थप सहजीकरण बारे प्रकाश पार्नु भएको थियो ।
भिडीयो सम्वादमा कोरोना नियन्त्रणका लागि गरिएका हालसम्मका पहल, सरोकारवालासँगको समन्वय र सहकार्य, कोरोना परिक्षण र थप आवश्यक पहल, सीमामा रहेकाहरुको सहज व्यवस्थापन, तरकारी लगायतको सहज परिपुर्ती, महिला र बालबालिकाको सुरक्षा लगायतका विषयमा छलफल गरिएको थियो ।
सम्वादमा सहभागी प्रदेश सांसद एवं सम्वाद समूह सदस्य कृष्णा केसी(नमूना)ले सहज भेटघाट र समन्वय हुन नसकीरहेको विषम परिस्थितीमा सम्वाद समूहले गरेको समन्वयात्मक सहजीकरणले सरोकार पक्षलाई साझा धारणा बनाउने र थप जिम्मेवारी निर्वाह गर्ने बातावरण सिर्जना गरिदिएको विश्वास व्यक्त गर्नु भयो ।
प्राथमिकताका आधारमा सरोकार पक्षसँग चरणवद्ध सम्वाद गर्दै सम्वाद समूहको अग्रसरतापछि सम्वद्ध सरोकारवालाले प्रभावकारी भूमिका निर्वाह गर्ने गरेको पाइएको छ भने कोरोना नियन्त्रण, राहत वितरणमा पनि सकरात्मक प्रभाव देखीएको छ ।
बाँकेस्थित राजनीतिक दल, सांसद, स्थानीय प्रहरी÷प्रशासन, स्थानीय सरकार, उद्योगी व्यसायी र धार्मीक गुरुहरुसँग छलफल गरिसकेको सम्वादले निरन्तर सहजीकरणको अभियानलाई बढाएको छ ।
Discussion about this post