काठमाडौ जेठ ३ गते ।
कोरोना संक्रमित काठमाडौंमा पनि भित्रिएपछि सरकारले उपत्यकामा कोरोना जाँच तिब्र बनाएको छ । शुक्रवार प्रारम्भिक जाँच (आरडिटी) गरिएका मध्य काठमाडौं महानगरपालिकामा काम गर्ने ३१ जनामा कोरोना भाइरस (कोभिड(१९) पोजेटिभ देखिएको छ।भने पिसिआर परिक्षणको नतिजा भने आउन बाँकि नै छ ।
शुक्रबार गरिएको प्रारम्भिक जाँच (आरडिटी) परिक्षणमा ३१ जानाको पोजेटिभ देखिएको महानगरपालिकाका स्वास्थ्य विभाग प्रमुख नरेन्द्र विलास बज्राचार्यले बताएका छन् । आरडिटी जाँचमा कोरोना देखिएका अधिकांश सफाइ कर्मचारी र महिला स्वास्थ स्वयंसेविका हुन् ।
महानगरले स्वास्थ्य विभागको समन्वयमा विहीबारबाट परीक्षण थालेको थियो ।
शुक्रबार ९ सय ३४ जनाको कोरोना परीक्षण गरिएको जानकारी दिएको छ ।जसमध्ये आडीटी विधिबाट ६सय ६४ र पीसीआर विधिबाट २ सय ७० जनाको परीक्षण गरिएको महानगरपलिकाको स्वास्थ्य विभाग प्रमुख बज्राचार्यले जानकारी दिए ।
पीसीआर विधिबाट टेस्ट गर्दा लामो समय लाग्ने भएकाले आरडीटी विधिबाट पनि परीक्षण गरिएको उनले बताए। सफाई कर्मचारीको कोरोना परिक्षण महानगरपालिका र स्वास्थ्य सेवा विभागको समन्वयमा भएको थियो। आरडीटीमा पोजेटिभ देखिएका सबै कर्मचारीको स्वाब निकालेर पीसीआर परीक्षणका लागि पठाइएको उनले जानकारी दिए ।
Discussion about this post