सरला सुबेदी
बाँके जेठ ३ गते ।
विश्वभरी महामारीको रुपमा देखा परेको कोरोना भाइरस (कोभिड १९ )को कारण बिगत दुई महिनादेखि देश पूर्ण रुपमा लाकडाउन भएको थियो । जसका कारण नियमित रुपमा गर्भवती महिला र पन्ध्र महिना सम्मका बालबालिका हरुलाई दिदै आएको खोप संचालन हुन् सकेको थिएन ।
तर बालबालिका र गर्भवती महिलाको स्वास्थलाई ख्याल गरि हिजो वडा नम्बर १३ देखि खोप लगाउन सुरु गरेको हो भने आज दोश्रो दिन वडा नम्बर १२ चपरगौडी श्री ज्ञान ज्योती उच्च माबिमा खोप केन्द्र संचालन गरेको छ। भने भोलि वडा नम्बर ११ को बगिया स्कुलमा खोप केन्द्र सन्चालन गरिने छ ।
बालबालिकालाइ नियमित रुपमा दिदै आएको बिसिजी , डिपीटि, पोलियो , हेपाटाइटिस बि , दादुरा रुबेला पिसिभी , जापानिज इन्सेपÞmलाइटिस लगायत एघार वटा रोग बिरुद्दका खोप र गर्भवतिलाइ दीईने टिटीखोप लकडाउनका कारण रोकिएको थियो ।
खोप छुटाउदा बालबालिका र गर्भवती महिलाको स्वास्थ्यमा नकारात्मक असर पर्ने हुदा उनीहरुको स्वास्थलाई मध्यनजर गर्दै स्वास्थ तथा जनसंख्या मन्त्रालयको निर्देशन अनुसार खोप लगाउन पुन सुचारु गरेको कोहलपुर नगर स्वास्थ चौकिकी नर्सिङ अधिकृत शोभा अधिकारीले बताइन ।
उनले कोरोना भाइरसका बिरुद्द आफुहरु पनि निरन्तर लाइरहेको हुदा त्यहा उपस्थित सबै स्वास्थकर्मी स्वयमसेविकाहरुले कोरोना संक्रमणबाट जोगिन सुरक्षित स्वास्थ सामग्री प्रयोग गरि खोप संचालन गरेको बताइन ।
आज अबका दिनामा खोप लगाउन आउदा सम्पूर्ण सेवाग्राहीले आफु पनि सुरक्षित भएर आउनु होला भनेर अपिल समेत गरेकी छिन ।
एक महिनाको रोकिएर खोप संचालन हुदा खोप केन्द्रमा भिडभाड बढेको र स्वाथाकर्मी र स्वयमसेविकाले भन्दा खोप लिन गएका सेवाग्राहीले लाकडाउनको पूर्ण पालना नगर्दा भिडभाड एकदमै बढेको थियो ।
जसको कारण लकाडाउनको पालना गर्ने सेवाग्राही त्यहाको भिडभाड देखि एकदमै आक्रोसित भएका थिए ।
Discussion about this post