बाँके जेठ ७ गते ।
नेपालगन्जको रुपैडिया नाकामा अलपत्र परेका नेपालीलाई नेपाल भित्रयाइएको छ । कति संख्यामा नेपाल भित्र्याइयो त्यसको विवरण संकलन गर्ने काम भइरहेको जमुनाह प्रहरीले जनाएको छ ।
प्रहरीले भनेको छ कम्तिमा ११ सयको हाराहारीमा भारतमा अड्किएका नेपालीहरुलाई नेपाल भित्र्याइएको छ । भारतमा अड्किएकालाई नेपाल ल्याउँदै गर्दा नेपालमा अड्किएका ३ हजार भारतीयलाई आफ्नो देश जान दिइएको जमुनाह प्रहरीले जनाएको छ । आज नेपाल भित्र्याइएकाहरुलाई जुन जिल्लाका हुन त्यही जिल्लामा पठाइएको जमुनाह प्रहरी चौकीका इन्चार्ज माधव रिजालले बताए ।
उनका अनुसार, यसअघि जेठ तीन गते करिव सात सय नेपालीलाई नेपाल भित्र्याइएको थियो र सत्र सय भारतीयलाई पठाईएको थियो ।
ADVERTISEMENT
Discussion about this post