बाँके जेठ ११ गते ।
कोरोना सन्क्रमित संख्या देशभर दिनप्रतिदिन बढ्दै गैइरहेको छ । बाँकेमा कोरोना संक्रमितहरुको सुरक्षाका लागि खटिएका सुरक्षाकर्मी र उपचारका खटिएका स्वास्थ्यकर्मीहरुमा पनि कोरोना सक्रमण देखिएको छ ।
कोरोनाको इपीसेन्टरका रुपमा देखिएको नरैनापुर ३ कालाफाटा प्रहरी चौकीका एक जना प्रहरी र खजुरास्थित सुशील कोइराला प्रखर क्यान्सर अस्पतालको आईसुलेसन बार्ड खटिएकी नर्समा संक्रमण देखिएको हो ।
उक्त प्रहरी चौकीमा २३ जना प्रहरी कार्यरत छन् । शनिबार नरैनापुरमा २७ जनामा कोरोना संक्रमण देखिएको मध्ये एक प्रहरी हुन । अन्य सुरक्षार्कीहरुको कोरोना रिर्पोट आउन बा“की छ ।
एक जनामा कोरोना पुष्टि भएपछि प्रहरी चौकी शील गरी अन्यलाई क्वारेन्टाईनमा राख्ने तयारी भइरहेको जिल्ला प्रहरी कार्यालयले जनाएको छ ।
त्यस्तै खजुरास्थित आईसुलेसन बार्डमा खटिएकी नर्सलाई पनि आईसुलेसनमा राखिएको भेरी अस्पतालका प्रमुख डा। प्रकाश थापाले बताए ।
नरैनापुरमा १ सय १४ जना गरी बा“केमा संक्रमितको संख्या १ सय ४२ पुगेको छ । स्वास्थ्यकर्मी र सुरक्षाकर्मीमा पनि संक्रमण सर्न थालेपछि चुनौती थपिएको छ ।
कोरोना संक्रमणको चुनौती थपिए सङै सबैले आ आफ्नो ठाउँबाट कोरोना विरुद्ध सतर्कता अपनाउनु पर्ने देखिन्छ।
Discussion about this post