बाँके जेठ १६ गते ।
भारतबाट फर्किने नेपालीहरुलाई लक्षित गरेर नेपालगन्जको जमुनाह नाकामा तयारी खाजा र पानी वितरणलाई जारी राखिएको छ।
मेडिकल कलेज नेपालगन्जले फिल्ड द वकेटसँगको सहकार्यमा एक हप्तासम्म विष्कुट, चाउचाउ र पानीको प्याकेज बनाएर तीन दिन अघिदेखि वितरण सुरु गरिएको हो । भारतबाट आउने नेपालीहरुलाई थोरै भएपनि राहत होस् भन्ने उद्देश्यले यो अभियान सुरु गरिएको मेडिकल कलेज नेपालगन्जका सहायक निर्देशक डा.नितेशकुमार कनोडियाले बताउनुभयो ।
यो तीन दिनको अवधिमा करिव ७ हजार नेपालीलाई तयारी खाजा र पानी वितरण गरिएको पनि उहाँले जानकारी दिनुभयो । भारतबाट भित्र्ने जति नेपालीहरु छन्, उनीहरु सबैलाई एउटा चाउचाउ, दुईवटा विष्कुट र एक वोतल मिनरल वाटर दिइने छ ।
जमुनाह नाकामा रहेको थाल्सा युवा क्लवका सदस्यहरुले स्वयमसेवकको रुपमा खाजा र पानी वितरण गरिरहेका छन् ।
हेरौं भिडियो
ADVERTISEMENT
Discussion about this post