कोरोना भाईरस भन्दा छुवाछुतको भाईरस डरलाग्दो भएको बताउदै पुर्व राज्यमन्त्री सुनार

सरला सुबेदी
बाँके जेठ १८ गते।
कोरोना भन्दा पनि ठूलो रोग भनेको छुवाछूतको रोग भएको छ । जुन रोगका कारण दैलेखमा खाउखाउ लाउलाउ उमेरका युवाले आफ्नो ज्यान दिनु परेको छ । जस्को कारण केहिदिन यता देखि रुकुमपश्चिम पुरै शोकमा डुबेको छ । त्यसैले पिडितले न्याय र पिडकले सजाय पाउनु पर्ने भन्दै संयुक्त दलित संघर्ष समिति बाँकेको आयोजनामा कोहलपुरमा रुकुममा घटेको जातिय छुवाछूतको घटनाको विरुद्ध विरोध सभा गरेको छ।

जाजरकोटका नवराज विक,गणेश बुढा मगर,लोकेन्द्र सुनार,टिकाराम सुनार,गोविन्द शाही र सन्तोष बिक लाई साँस्कृतिक शहिद घोषणा गर्न माग गर्दै कोहलपुर चौराहबाट शुरु भएको विरोध र्याली चौराहमा फर्केर कोण सभामा परिणत भएको थियो । घटनामा संलग्न जोकोही लाई कानुन अनुसारको कार्वाही सर्वस्वहरण सहित आजिवन कारावासको सजाय गर्न सरकार लाई आग्रह गरिएको छ ।

विरोधसभाका प्रमुख दलित आन्दोलनका राष्ट्रिय नेता एवं पूर्वराज्यमन्त्री दल बहादुर सुनारले कोरोना भाईरस भन्दा छुवाछुतको भाईरस डरलाग्दो भएको बताउदै आक्रोस व्यक्त गरेका छन् । नेता सुनारले आफुहरु कानुनी दायरामा बसेर शान्तिपुर्ण संघर्ष गरिरहदा यस प्रकारका घटना घट्ने र न्याय पाउन ढिलाई हुने चलनको अन्त्य गर्दै शिघ्रतिशिघ्र न्याय दिन सरकार सँग माग गरे ।

सोही अवसरमा नेपाल दलित मुक्ती संगठन ५ नंम्बर प्रदेशका संह इन्चार्ज पुजन विश्वकर्माले जाजरकोट घटनाले मानवता नै कलङ्गकित भएको बताए । सरकारले दलित समुदायका मागहरु वेवास्ता गरे सरकारको समृद्धिको सपना चकनाचर भएर जाने कार्यक्रमका वक्ताहरुले बताएका छन् । संयुक्त दलित संघर्ष समिति बाँकेले सरकारका निर्णयहरु हेरेर आगामी आन्दोलनका कार्यक्रम गर्ने संयोजक अमर विश्वकर्माले जानकारी दिए ।