धरान जेठ २२ गते ।
धरानमा विहिवार विहानै भएको आगलागीमा २ जनाको निधन भएको छ । धरान–१५ साम्पाङ मार्गमा भएको आगालीमा आमा छोरीको निधन भएको हो । नेपाल प्रहरीबाट अवकास प्राप्त नरबहादुर श्रेष्ठको पुरानो घरमा आगलागी हुँदा आमा धनमाया र उनको छोरीको निधन भएको हो ।
छोरी आगलागीमा परेपछि उनलाई निकाल्न गएकी आमाको पनि निधन भएको हो । आगो लागेको थाहा पाउने बित्तिकै माथिल्लो तलामा रहेकी अपाङ्ग छोरी ५८ वर्षीया सीता श्रेष्ठलाई निकाल्न जाँदा ८७ वर्षीया धनमायाले पनि ज्यान गुमाएको प्रहरीले जनाएको छ । अपागं छोरी सिता माथिल्लो तलामा बसेकी थिइन् ।
आगलागी भएको थाहा पाउने बित्तिकै उनी दौडिएर माथिल्लो तलामा गएकी थिइन् । त्यही बेलामा आगोको ठूलो मुस्लो निस्किएको स्थानियले बताएका छन् । आगोको ठूलो लप्का निस्किएपछि स्थानियले पनि उनीहरुलाई बचाउन सकेनन् । उनीहरुको आँखा अगाडी नै आमाछोरीको ज्यान गएको होज। आगलागीको कारण भने थाहा हुन सकेको छैन ।
ग्यास चुहिएर हुन सक्ने अनुमान गरिएको छ । स्थानीयका अनुसार नरबहादुरले बिहानै मात्र ग्यास सकिएका कारणले नयाँ ग्यास ल्याएर छाडिदिएका थिए । ग्यास ल्याएको केही समयलगत्तै ठूलो आवाज आएको स्थानियले बताएका छन् । विहान ८.१५ बजेबाट सुरु भएको आगालागी ९.४० बजे नियन्त्रणमा लिइएको प्रहरीले जनाएको छ ।
धरान उपमहानगरको दुई वटा दमकल र इटहरी उपमहानगरको दमकल, जनपथ, सशस्त्र प्रहरी र स्थानीयबासीको सहयोगमा आगो नियन्त्रण’मा लिइएको हो ।
Discussion about this post