बाँके जेठ २३ गते ।
बाँकेको कोहलपुर नगरपालिका बाहेक अन्य सबै पालिकामा कोरोना पुगेको छ । कोरोनाको संक्रमण नदेखिएको जानकी गाउँपालिकामा एकैदिन ४० जनामा कोरोना पुष्टि भएसँगै जिल्लाका आठ पालिका मध्ये सात पालिकामा कोरोना पुगेको हो।
अहिलेसम्म जिल्लाको नरैनापुरमा सवैभन्दा धेरै एक सय १८ जनामा कोरोना देखिएको छ। त्यसैगरि, नेपालगन्ज उपमहानगरपालिकामा ३३, राप्ती सोनारीमा २६, डुडुवामा २५, बैैजनाथमा आठ र खजुरामा पाँच जनामा कोरोना संक्रमण पुष्टि भएको छ।
पछिल्लो पटक जानकी गाउँपालिका र नेपालगन्ज उपमहानगरपालिकामा फेला परेका संक्रमित सहित बाँकेमा कोरोना संक्रमितको संख्या दुई सय ५५ पुगेको छ। अहिलेसम्म कोहलपुर नगरपालिका मात्र अछुतो रहेको छ।
त्यहाँ अहिलेसम्म पिसिआर प्रविधिबाट एक सय १५ जनाको कोरोना जाँच भए पनि सवैको रिपोर्ट नेगेटिभ आएको छ।
ADVERTISEMENT
Discussion about this post