बाँके जेठ २३ गते ।
कालोबजारी रोकथाम नियन्त्रणमा नेपालगन्ज उपमहानगरपालिकाको सक्रियता बाढ्न थालेको छ । नेपालगञ्ज उप–महानगरपालिकाका उपप्रमुख उमा थापा मगरले लामो समयको लकडाउनका कारण बजारमा कालोबजारी हुन नदिन स्थानीय सरकार, स्थानीय प्रशासन र सम्वद्ध ब्यवसायीबीच सहकार्य र समन्वय हुनुपर्नेमा जोड दिएकी छिन् ।
नेपालगञ्ज उप–महानगरपालिका उपभोक्ता हित संरक्षण समितिको शुक्रबार भएको बैठकमा समितिका संयोजक समेत रहेकि उपप्रमुख थापा मगरले खाद्यान्न लगायत अन्य बस्तु आपुर्तीमा सहज ब्यवस्थापन गरि सहजरुपमा ब्यापार ब्यवसाय संचालनका लागि स्थानीय सरकार लागिपरेको बताइन।
नेपालगन्ज बजारमा कालोबजारी हुन नदिन सम्वद्ध सबै पक्ष सचेत र जिम्मेवार बन्न सबैलाई अनुरोध गरिन उनले मुल्यवृद्धि हुनेगरि बजारमा आपुर्ती ब्यवस्थापन नहोस भन्दै उनले उपभोक्ता सहजिकरण आवश्यक भएको भन्दै सहज रुपमा ब्यावसायिक कारोबारका संचालनका लागि पहल गरेको बताइन। यस्तै सहायक प्रमुख जिल्ला अधिकारी दीर्घराज उपाध्यायले पेशागत इमान्दारिता सबैमा आवश्यक पर्ने बताए ।
बैठकमा केएल दुगड ग्रुपका प्रबन्धक प्रदिपकुमार छाछेड, पानी संघ बाँकेका अध्यक्ष विनय श्रेष्ठ, नेपालगञ्ज किराना तथा खाद्य ब्यवसायी संघका अध्यक्ष फणाधर भण्डारी, मासु ब्यवसायी संघका अध्यक्ष दिपेन्द्रराज श्रेष्ठ, चेम्बर अफ कमर्सका अध्यक्ष सतिशकुमार अग्रवाल, रानीतलाउ तरकारी बजार समितिका अध्यक्ष मोतिसरा थाापा लगायतले असहज अवस्थामा काम गरिरहेको भन्दै बजारमा दैनिक उपभोग्य वस्तुको अभाव हुने अवस्था नभएको बताएका छन् ।
उपभोक्ता हित सरक्षण समितिका सदस्य सचिव तथा उपमहानगरपालिकाका अधिकृत विमल गुरुङले बजारमा मुल्यवृद्धि हुन नदिन, आपुर्तीमा सहज ब्यवस्थापनका लागि बैठकमा महत्वपूर्ण छलफल भएको बताएका छन् । उनले अहिले संकट को अवस्थामा पनि कालोबजारी गर्ने तत्वको सक्रियता बढे सङ्गै त्यसको रोकथाम गर्न हामी सकृय रहनु पर्ने बताएका छन् ।
Discussion about this post