बाँके जेठ ३१ गते ।
नेकपाका युवा नेता रत्न खत्रीले खजुरा गाउँपालिका वडा नम्बर २ मा रहेको क्वारनेटाइनलाई स्वास्थ्य सामाग्री सहयोग गरेका छन । गौघाट स्थित योगिनी उच्च माविमा रहेको क्वारेनटाइनलाई नेकपा बाँकेका संगठन विभाग प्रमुख खत्रीले मास्क, सेनेटाइजर र अन्य स्वास्थ्य सामाग्री सहयोग गरे ।
क्वारेनटाइन व्यवस्थापनमा सहयोग गर्दै आएको योगिनी युथ क्लब मार्फत खत्रीले सहयोग प्रदान गरेका हुन ।
शनिबार योगिनी युथ क्लबका अध्यक्ष तरिन्द्र थापा, महासचिव गणेश राईले क्वारेनटाइन व्यवस्थापनमा खटिएका स्थानीय प्रतिनिधि कर्ण बिसी, अमृता नेपाललाई स्वास्थ्य सामाग्री हस्तान्त्रण गरे ।
खत्रीले गौघाटको क्वारेनटाइनमा दोस्रो पटक सहयोग गरेका हुन । कोरोना संकटले क्वारेनटाइन ब्यवस्थापनमा समस्या भैरहेको बेला सबैले सहयोग गर्न जरुरी रहेको नेकपा संगठन विभाग प्रमुख खत्रीले बताए । उनले भने, ‘कोरोनाका कारण अहिले सम्पुर्ण क्षेत्र प्रभावित छ । यस्तो बेला राज्यले मात्र यसलाई व्यवस्थापन गर्न सक्ने अवस्था छैन । सबै नागरिकले एकजुट भएर सक्दो सहयोग गर्न आवश्यक छ ।’
योगिनी युथ क्लबका अध्यक्ष तरिन्द्र थापाले खत्रीको सहयोगले क्वारेनटाइनमा बसेका मानिसलाई सहयोग गर्ने बताए । उनले भने, ‘हामीले क्लबमार्फत क्वारेनटाइनमा सहयोग गर्दै आएका छौं । क्वारेनटाइनमा धेरै कुराको अभाव छ । यस्तो बेला उहाँले सहयोग गर्नु भयो । यसका लागि हामी खत्रीलाई धन्यवाद दिन्छु । आगामी दिनमा क्वारेनटाइनमा सक्दो सहयोग जुटाउन क्लबले प्रयास गर्नेछ ।’
पछिल्ला समय समाजसेवामा सक्रिय भएर लागेका खत्रीले यसअघि जानकी, खजुरा र बैजनाथ गाउँपालिकाका विभिन्न स्थान रहेका क्वारेनटाइनमा सहयोग गर्दै आएका छन । क्वारेनटाइनमा बसेका युवाहरुले माक्स लगायत अन्य कुराको अभाव भएको बताएपछि सहयोग गरेको खत्रीले बताए ।
क्याप्सनः योगिनी युथ क्लबका अध्यक्ष तरिन्द्र थापालाई सहयोग गर्दै नेकपा युवा नेता रत्न खत्री (दाया) । तस्विरः मिडिया सेन्टर नेपाल
Discussion about this post