नवलपरासी असार १९ गते ।
नवलपरासी पश्चिमरनमूना एकीकृत विकास परिषद ( नमुना ) भैरहवाको आयोजना, युनिसेफ र प्रतापपुर गाउँपालिका नवलपरासी पश्चिमको सहयोगमा २ दिने कोभिड १९ र बाढि पुर्व तयारी तथा प्रतिकार्य योजना कार्यशाला गोष्ठी सम्पन्न भएको छ ।
गोष्ठीमा कोरोना भाइरस (कोभिड १९) बाट बच्न को लागि उच्च सतर्कता सधै अपनाइरहनु पर्ने र यसबाट बच्ने उपाय बारे छलफल गरिएको थियो । यस्तै जलवायु परिवर्तनका कारण खडेरी, बाढी तथा प्रतिकुल मौसम आइपर्नु जस्ता प्राकृतिक प्रकोपहरुको सम्भावना बढ्दै गरेको छ ।
यसको फलस्वरुप महामारी र सुख्खापन फैलिनुका साथै समुदायको जनजीवन र कृषि उत्पादनमा प्रतिकुल असर पर्ने गरेको छ ।जलवायु परिवर्तनले सबै क्षेत्रमा असर पार्ने भएतापनि विपदको अवस्थामा सबैभन्दा शुरुमा बालबालिकालाई धेरै जोखिम हुने गर्दछ त्यसैले बालबालिकाहरुलाई विशेष ख्याल राख्नु पर्ने बताइएको थियो।
यस्ता प्रकोपहरुले बालबालिकालाई शारीरिक र मानसिक जोखिम पार्नुको साथै वयस्कहरुमा भन्दा उनीहरुमा उक्त असर लामो समयसम्म रहि रहन्छ जस्ले उनिहरुलाई प्रत्यक्ष असर पुर्याएको हुन्छ । नवलपरासी पश्चिम जिल्लाका गण्डक कमान्ड क्षेत्रका साबिक १३ गाविसहरु हाल प्रतापपुर , सुस्ता र सरावल गाउँपालिका बाढि, आगलागी नदिकटान पटान र सर्पदंशको प्रभावित क्षेत्रको रुपमा लिइने गरिन्छ ।
नमुना एकीकृत विकास योजना ( नमुना ) भैरहवाले रुपन्देहीको लुम्बिनी सांस्कृतिक नगरपालिका, समरीमाई गाउँपालिका र नवलपरासी पश्चिमको प्रतापपुर गाउँपालिकामा कार्यक्षेत्र रहेको नमुनाले जनाएको छ ।
गोष्ठीमा प्रतापपुर गाउँपालिकाको वडाका वडा अध्यक्षहरु, सशस्त्र बेस र बिओपी र इलाका प्रहरीका प्रमुख , विपद् व्यवस्थापन समिति कार्यदलका सदस्य, जनप्रतिनिधि गरि ३७ जनाको सहभागिता रहेको नमुना एकीकृत विकास परिषद भैरहवाका अध्यक्ष ज्ञानु पौडेलले बताइन् ।
उनले तालिममा सैद्धान्तिक र व्यवहारिक संगै भुकम्प, पहिरो , बाढी , आगलागी, बन विनास, महामारी , आधीहुरी, नदिकटान पटान, आर्सेनिक, प्रदुषण लगायतको बिषयमा पुर्व तयारीका र प्रतिकार्य योजनाको कसरी बनाउने भन्ने बारे जानकारी गराइएको बताइन् ,
यस्तै तालिमको समापन कार्यक्रममा प्रतापपुर गाउँपालिकाका प्रशासकिय अधिकृत घनश्याम गाहले तालिममा सिकेका कुराहरुलाई व्यवहारमा उतार्न सबैमा आग्रह गरेका थिए, साथै गाहले ०७७ र० ७८ आर्थिक बर्षमा गाउँपालिकाले १ करोड सम्मको बजेट विपद व्यवस्थापन तथा कोरोना महामारी लगायतमा खर्च गर्न विनियोजन गरिएको जानकारी दिएका छन् ।
Discussion about this post