खोजखबर संवाददाता बाँके असार ८ गते । नेपाललाई समृद्ध बनाउनको लागि कृषि तथा पर्यटनमा युवाहरु सकृय भएर लाग्नु पर्नेमा एक कार्यक्रमको सहभागी युवाहरुले जोड दिएका छन् ।
उद्यमी युवा समृद्ध देश : दिगो विकास लक्ष्यमा समान परिवेश भन्ने मुल नाराका साथ नेपालगन्जमा प्रादेशिक युवा उद्यमशिलता बिकास बारे अभिमुखीकरण कार्यक्रममा सहभागी युवाहरु खजुरा गाउँपालिका वडा नं.३ मा रहेको ग्रिन कटेज एवं कृषि फर्मका प्रोपाईटर युवा उद्यमी प्रेम खरेलसंग उद्यमशिलताको बारे खुलेर छलफल गरेका छन् । सो छलफल कार्यक्रममा युवा उद्यमी युवा प्रेम खरेलले प्रदेश नम्बर ५ का १२ जिल्लाबाट सहभागी युवाहरुसंग आफना अनुभव आदान प्रदान गरेका थिए । उहाँले कृषि, पर्यटनमा युवाहरु सकृय भएर लाग्नु पर्ने र हरेक आफनो कार्यलाई सम्मान गर्नु पर्नेमा जोड दिनुभयो ।
दुई दिन सम्म चल्ने सो अभिमुखीकरण कार्यक्रममा सहभागि युवाहरुलाई पर्यटन, लुम्बिनी भ्रमण बर्ष २०७६, बर्दिया भ्रमण बर्ष, दिगो विकासका लक्ष्यहरु, भिजिट नेपाल २०२०, युवा उधमशिलता, होम स्टे, हस्पिटालिटी,अवलोकन लगायतको विषयमा प्रशिक्षण दिईएको आयोजक संस्था नेपाल युवा परिषद प्रदेश नं. ५ का संयोजक सोम गुरुङले जानकारी दिए । कार्यक्रमको अन्तिम दिन गोचाली खाजाघरका प्रोपाईटर सोम डेमनडौराले उद्यमशिलता बारे जानकारी दिनुभएको थियो भने गेट भोकेसनल, नेपालगन्जका शसांक पोखरेलले नेपालमा हस्पिटालिटी र पर्यटनका सम्भावनाको बारे जानकारी गराएका थिए । नेपाल युवा परिषद, नेपाल युवा परिषद प्रदेश नं.५ र नेपाल युवा परिषद बाँके शाखाको आयोजना तथा कोकाकाला नेपालको सहयोग तथा गेट भोकेसनल, नेपालगन्जको सहकार्यमा सो कार्यक्रम सम्पन भएको छ ।
Discussion about this post