बाँके असार १९ गते ।
बाँके जिल्लाका स्थानीय तहमा रहेका न्यायिक समितिले गरेका काम कारबाहीको बारेमा अनुगमन सुरु गरिएको छ । शुक्रबार जिल्ला न्यायाधीशसहितको एक टोलीले बाँकेको खजुरा गाउँपालिकाको न्यायिक समितिले आर्थिक वर्ष २०७६/०७७ मा गरेका कामकारवाहीको अनुगमन गरेको छ ।
उपप्रमुख एकमाया विकको संयोजकत्वमा रहेको न्यायिक समितिले गरेका प्रक्रियागत कुराको अनुगमन गरिएको हो । न्यायिक समितिले सम्पादन गर्ने मुद्दाहरु शुरुदेखि फैसलासम्मका प्रक्रिया मिले नमिलेको बारे आर्थिक वर्षको अन्तयमा अनुगमन गर्ने गरिएको खजुरा गाउँपालिका महिला तथा बालबालिका शाखा प्रमुख सुशीला न्यौपानेले जानकारी दिइन ।
अनुगमनपछि टोलीले खजुराको न्याय सम्पादन प्रक्रिया सन्तोषजनक रहेको प्रतिक्रिया दिएको छ । खजुरामा वडा वडामा रहेको मेलमिलाप केन्द्र र पालिकामा रहेकोे न्यायिक समितिले आफ्नो कार्यसम्पादन गर्दै आएको छ । खजुरामा चालू आर्थिक वर्षमा न्यायिक समिति र मेलमिलाप केन्द्रमा आएका १ सय बढी मुद्दामा ८० प्रतिशत बढी फैसला भइसकेको महिला विकास प्रमुख न्यौपानेले जानकारी दिएकि छिन् ।
बाँके जिल्ला अदालतका न्यायाधीश मनकुमारी जिएम विश्वकर्मा, शाखा अधिकृत गणेश रिजालसहितको टोली शुक्रबार गाउँपालिकामा पुगेर न्यायिक समितिको कामकारवाहीको अनुगमन गरेको हो।
टोलिले अहिले सम्म को काम सबै राम्रो भएको र आगामि दिनहरु पनि राम्रो काम गर्न को लागि न्यायिक समितिलाई हौसला प्रदान गरेको न्यायिक समिती संयोजक एकमाया बिकले बताउछिन ।
Discussion about this post