बाँके असार २६ गते ।
बाँकेको राप्ती नदीमा शुक्रवार बाढी बिपद कृतिम अभ्यास गरीएको छ । जिल्ला बिपद व्यवस्थापन समितिको आयोजनामा बाँके खण्ड भएर बग्ने राप्ती नदीमा उक्त अभ्यास गरिएको हो । अभ्यासका क्रममा नदीमा कृतिम शव बनाई फालिएको थियो । सुरक्षा फौजको गोताखोर टोलीले डुङ्गा मार्फत उक्त शवलाई झण्डै आधा घण्टासम्मको खोजी पछि बाहिर निकालेका थिए ।
शव वा घाइतेहरुलाई नदीबाट उद्दार गरि बाहिर निकालीसकेपछी के कसरी व्यवस्थापन गरिन्छ भनेर देखाइएको थियो । गोताखोरको टोलीमा नेपाली सेना, नेपाल प्रहरी र सशस्त्र प्रहरीका जवानहरु सम्मिलित थिए । कार्यक्रममा बाँकेका प्रमुख जिल्ला अधिकारी रामबहादुर कुरुम्बाङले यदी कुनै दुर्घटना भईहाल्यो भने सुरक्षा फौजको टोलीले सजिलै उद्दार गर्न सक्ने बताए ।
विपद कुनै पनि समयमा आउन सक्ने भएकाले सुरक्षाकर्मी तथा उद्धारमा संलग्न सुरक्षा निकायलाई तयारी अवस्थामा राख्न पूर्व अभ्यास गरार्ईएको कुरुम्बाङले बताए । उनले राप्ती नदि वरिपरिका बस्तिहरुका बासिन्दाहरुलाई सतर्क रहन भनेका छन् ।
बाढीको कृतिम घटना अभ्यास कार्यक्रममा प्रमुख जिल्ला अधिकारी कुरुम्बाङ, बाँके प्रहरी प्रमुख प्रहरी उपरीक्षक ओमबहादुर राना, ४ नम्बर बाहिनी अड्डाका प्रमुख जर्नेल सुरेश कुमार बानिया, भैरव प्रसाद गणका प्रमुख कर्नेल नकुल थापा लगायत जनप्रतिनिधिहरुको उपस्थिति रहेको थियो। तस्बिरः गजेन्द्र गुरुङ
Discussion about this post