बाजुरा साउन ५ गते ।
लगातारको भारी वर्षापछि आएको बाढीले बाजुरा जोड्ने साँफे–मार्तडी सडकमा पर्ने १६ मिटर लामो पक्कीपुल बगाएको छ।बुढीगंगा नगरपालिका(२ ताप्रीसेरास्थित घट्टेखोलामा आएको बाढीले उक्त पुल बगाएको हो।पुल बगाएपछि ताप्रीसेरा–बल्दे सडक पुर्ण रुपमा अवरुद्ध भएको छ।
बाढीले चार घरमा आंशिक क्षति पुगाएको छ भने ब्रहमतोलामा करिब एक सय रोपनी खेतीयोग्य जमिन बगाएको छ।गएरातिको भारी वर्षाले बाजुरा जोड्ने एकमात्र राजमार्गमा दुई दर्जन बढी स्थानमा पहिरोले भत्काएको प्रमुख जिल्ला अधिकारी कृष्ण गैरेले बताए। अहिले प्रमुख जिल्ला अधिकारी सहित जिल्ला स्थित सुरक्षा निकायको टोली बाढीको प्रभावबारे बुझ्न प्रस्थान गरेको छ।
पहिरोले सडक भासिएपछि सदरमुकाम मार्तडीसम्मको आवागमन १४ दिनदेखि अवरुद्ध छ। सडक खोल्ने प्रयास सफल हुन नसकेको ग्रैह्रेले बताए।बाजुरा सदरमुकामबाट अन्य जिल्लासंगको सडक सम्पर्क अवरुद्ध भएपछि आवागमन, ढुवानी र औषधि उपचारमा समेत समस्या भइरहेको छ।
Discussion about this post