बाँके साउन ५ गते ।
बाँकेको राप्तिसोनारी वडा नम्बर २ मा नदिजन्य पदार्थ उठाउने बिषयमा भएको घटनामा राप्तिसोनारी गाउँपालिका वडा नम्बर २ का सदस्य ज्ञानेन्द्र वलीलाई फसाउन खोजिएको भन्दै राप्तीसोनारी गाउँपालिका वडा नम्बर २ ले आपत्ति जनाएको छ । राप्तीसोनारी गाउँपालिका वडा नम्बर २ को आइतबार बसेको बोर्ड कमिटिको बैठकले झडपमा राप्तीसोनारी गाउँपालिका वडा नम्बर २ का वडा सदस्य ज्ञानेन्द्रराज वली संलग्न भएको समाचारप्रति राप्तीसोनारी गाउँपालिका वडा नम्बर २ ले आपत्ति जनाउदै सदस्य वलि निर्दोष रहेको बताइएको हो ।
राप्तीसोनारी गाउँपालिका वडा नम्बर २ खैरी खोलामा डम्पिङ गरिराखेको नदीजन्य पदार्थ उठाउने विषयमा गत साउन १ गते दुई समूह बीच झडप भएको थियो । कचनापुरका स्थानीय युवाको समूह र राप्तीसोनारी–९ ढकेरीका युवा समूहबीचको झडपमा राप्तीसोनारी गाउँपालिका वडा नम्बर ९ का वीरबहादुर खत्री घाइते भएका छन् ।
सो झडपमा वडा नम्बर २ का वडा सदस्य ज्ञानेन्द्रराज वली समेत संलग्न भएको समाचार प्रकाशित भएपछि राप्तीसोनारी गाउँपालिका वडा नम्बर २ को बोर्ड कमिटी बैठकले आपत्ति जनाएको वडा अध्यक्ष मदन कुमार वलीले बताएका छन् । वडाध्यक्ष वलीले ज्ञानेन्द्रराज वलीको उक्त झडपसँग केही लेनदेन नभएको बताएका छन् ।
जो व्यक्ति घटनामा संलग्न नै छैन उसलाई फसाउन खोजिएको छ, निर्दोषलाई फसाउनु हुन्न र दोषीलाई कारवाही हुनुपर्छ भन्दै वडा नम्बर दुइको बोर्ड बैठकले आपत्ति जनाएको हो । अध्यक्ष वलिले बताए । घटनाको सत्य तथ्य पत्ता लगाइ दोषीउपर कडा कारबाही हुनु पर्ने बताउँदै उनले कुनै पनि निर्दोष व्यक्तिलाई उक्त घटनामा फसाइ बदनाम गराउने कोसिस नगर्न समेत अध्यक्ष वलीले सबैमा आग्रह समेत गरेका छन् ।
Discussion about this post